Ua sauni nei le Ofisa o Faigapalota mo se aso o le masina o Fepuari e toe sailia ai se tofi o Vaimauga 3 lea o loo avanoa nei ina ua tuumalo le Afioga ia Tapunu’u Papalii Niko Lee Hang.
I se faatalatalanoaga i luga o le telefoni ma le susuga ia Mauga Fetogi Vaai, o le Sui Ofisa Sili o le Ofisa o Faigapalota e faapea, “O le aso ananafi na taunuu ai le malelega (warrant) mai le Ofisa le Fono poo le Fofoga o le Maota.
“O lea la ua galulue nei le Ofisa e faasolo le galuega ma faatulaga aso mo le faamoemoe o Vaimauga numera tolu.”
Sa saunoa manino Mauga, o lea ua tatala i le taimi nei le resitalaina o le mamalu o le itumalo mo le lola palota, ae o le faatulagaina o le kalena a le Ofisa, o se aso o le masina o Fepuari o le a faataunuuina ai le palota laititi (by-election) mo Vaimauga.
O lē sa avea ma Minisita o Tupe faapea foi le Minisita o Galuega Tetele, le afioga Tapunuu Papalii Niko Lee Hang sa ia umia le tofi o le Itumalo.
I le faigapalota o Aperila 2021 sa lona lua ai le sui o le Faatuatua i Le Atua Samoa ua Tasi, Veatauia Faatasi Puleiata, lea sa galue o se Sui Resitara o le Faamasinoga Maualuga.
O le itumalo o Vaimauga Numera 3, e aofia ai:
1. Matautu Tai
2. Matautu Uta
3. Vaisigano
4. Leone
5. Vini
6. Magiagi
7. Lelata
8. Faatoia
9. Maagao
10. Vailima
11. Vaoala
12. Tanugamanono
13. Papauta
14. Nafanua
15. Letava
16. Afiamalu
- Silia ma le $16,000 le Tau o Meatotino sa Gaoia mai le Maota o le Komesina o Tineimu - December 6, 2023
- 25 Gasegase o le Koviti ua Faamauina e le Matagaluega o Soifua Maloloina - December 6, 2023
- Teena se Poloaiga e Taofia ai le Faatinoga o le Galuega a Afega - December 5, 2023
