Pepa o Faamatalaga
I lana Fonotaga Faapitoa 20 o le Aso Faraile 4 Iuni 2021, na talanoaina ai e le Kapeneta le Pepa PK(21)413 ma faamaonia ai Teuteuga o Poloaiga o Faalavelave Tutupu Faafuasei mo le Koviti19 e pei ona taua i lalo:
I. Malaga o Iuni 2021
- O malaga togipau mo Ausetalia mo le Aufaigaluega Faavaitaimi e galulue i Ausetalia i le Aso 5 ma le 15 o Iuni 2021 faapea ma le Aso 9 o Iulai 2021.
II. Aso 26 Iulai 2021
- Le faigamalaga a le Ea Niu Sila e lele sa’o mai Los Angeles mo Niu Sila i le Aso 26 Iulai 2021 ona fa’aauau mai lea i Apia e auina mai ai pasese o loo poloka i Amerika ma Europa talu mai Tesema 2020.
III. Isi Faigamalaga ua faatulagaina mo le kuata mulimuli o le tausaga nei mai Niu Sila
- Aso 4 ma le Aso 25 o Aokuso 2021
- Aso 22 Setema 2021
- Aso 20 Oketopa 2021
- Aso 10 Novema 2021
- Aso 1 ma le 22 o Tesema 2021
IV. Polokalame o Faigamalaga i le Va o Ausetalia ma Samoa
- O le a faatino malaga togipau i le va o Ausetalia ma Samoa e fa’aaogaina ai le Samoa Airways e ui atu i Apia-Nukualofa-Brisbane-Nukualofa-Apia;
- O nei faigamalaga o le a faatino i lalo o le Australia Pacific Flights Program ua fuafua e amatalia ia Iulai 2021 poo se taimi ua talafeagai ai. E mulimulitaia aiaiga uma faalesoifua maloloina mo Samoa.
V. Talosaga a le Tui Pacific
- Le faaopoopoina (extend) o le taimi e taula ai i le Uafu i Matautu vaa fagota tetele (purse seiners) mo le felaua’iina o uta (transshipment) ma le toe tapenaina o vaa (replenishment) mai le 48 itula i le 120 itula;
- Le siitia o itula e kilia ai vaa fagota (long liners) i le Uafu mai le 48 itula i le 72 itula, mo vaa e oo atu le mamafa o latou uta i le va o le 100tons -130 tons;
- Ia feutaga’i pea ma le Matagaluega o le Soifua Maloloina ina ia mautinoa o loo usitaia aiaiga mo le puipuiga o le Covid19.
VI. Faigamalaga i Vaa i le Aso Sa
- Ua faatagaina le malaga e tasi i le Aso Sa mai Upolu mo Savaii. O lenei faigamalaga e malaga atu i Mulifanua i le itula e 3:00 ae taliu mai Savaii i le itula e 5:00 i le afiafi.
Le amata faamamaluina o nei suiga i le Aso Toonai 5 Iuni 2021 seia toe iai se isi faaaliga.
E faatumauina pea isi aiaiga o Poloaiga o Faalavelave Tutupu Faafuase’i na mua’i tuuina atu.
O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.
