Fana faletalimālō i le vailā’au e tineia ai le namu

O lenei galuega tele, o le taumafaiga ina ia avea Samoa o se nofoaga e fia tafafao mai ai turisi, aemaise fo’i o le avea ma se Samoa ola fiafia, a’o aga atu ai mo lana taligāmālō i le Fonotaga Tele a Ta’ita’i o Mālō o le Taupulega iā Oketopa o le tausaga nei.

0
763

Aso Gafua 20 Me 2024 Apia Samoa, Sooupu a le Malo. O le vaveao nei, na molimauina ai e le Afioga i le Minisitā o le Matāgaluega o le Soifua Mālōlōina iā Valasi Luapitoifanua To’ogamaga Tafito Selesele le galuega mo le fanaina o faletalimālō i le taulaga o Apia, e tineia ai le namu o lo’o afua mai ai le fa’ama’i o le fiva o ponāivi.

Photos: Government of Samoa.

O le naunauta’iga o le Mālō, ia uunā’ia le tumamā lautele ma le soifua mālōlōina o le atunu’u atoa, e aunoa ma le a’afia i ni fa’ama’i ma i’u ina ma’imau ai le soifua.

O lenei galuega tele, o le taumafaiga ina ia avea Samoa o se nofoaga e fia tafafao mai ai turisi, aemaise fo’i o le avea ma se Samoa ola fiafia, a’o aga atu ai mo lana taligāmālō i le Fonotaga Tele a Ta’ita’i o Mālō o le Taupulega iā Oketopa o le tausaga nei.

O le fa’amalosi a le Minisitā, ia fa’amamā nofoaga o lo’o nofoia e vaivai to’a, o iinā o lo’o fanafanau ai le namu, ma fa’atupula’ia ai le pepesi pea o le fiva o ponāivi i le atunu’u.

Auā e sili lava le puipuia, i lo le tau togafitia.

Ata Pu’eina: Leaosā Fa’aifo Fa’aifo ma Pesetā Tusiga Taofiga