Falepuipui i Taimi o Aso Fiafia Ona o le Faaoolima i Malu o le Malo

0
639

O Opetaia Isaako Siliva, na ioeina moliaga ua ia faaoolima i se sui o alii malu o le malo, ma tuuina mai ai se faasalaga falepuipui mo ia ae ua oo mai le kerisimasi.

O fafo mai o le fale kalapu 75 i Sogi sa tulai mai ai lea faalavelave i le masina o Oketopa 2023.

I faamaumauga a leoleo sa ioeina e lē ua molia, sa uia e Malu o le Malo luma o lea fale, ma fetaia’i ai i latou ma le alii o Opetaia o loo faasuaava ma lalafo ane ai ni upu i leoleo.

Na taofia e leoleo ma tau fa’ato’ato’a, ae peitai, na kola e Opetaia le laei o se tasi o malu o le malo, ma faaleagaina ai le toniga.

Ina ua avatu e leoleo Opetaia i le ofisa o leoleo, sa le tuua ai lava le faatupu vevesi, ma na ia faaoolima ai i ni leoleo se toalua.

Na sueina e leoleo le tino o Opetaia, ma maua ai se lala mariuana.

Na ioeina e Opetaia ona moliaga o le faaoolima i leoleo, atao ma le uumia o fualaau faasaina o le mariuana.

Na amata mai le fua a le Faamasinoga i le 12 masina, peitai ona ua vave ioeina e Opetaia moliaga, sa toesea ai le isi 4 masina, ma totoe ai loa le 8 masina e nofo sala ai i le falepuipui.