O loo faatumauina pea le faaiuga a le Faamasinoga o Fanua ma Suafa, o fanua o loo finauina i le va o nisi o aiga o Levi Saleimoa ma Afega, o eleele lava e onaina e Alii ma Faipule o Afega.
O le Aso Faraile 16 Me sa tuuina mai ai le faaiuga a le Faamasinoga o Fanua ma Suafa (LTC), e teena ai le talosaga a Alii ma Faipule o le afioaga o Levī mo se avanoa e apili ai Faaiuga o le Faamasinoga i le tausaga 1923 ma le 1963, lea o loo faamauina ai o fanua o loo nofoia e nisi o aiga Levi, e pulea e alii ma faipule o Afega.
O le faaiuga a le Sui Peresitene le afioga ia Afamasaga Michael Soonalole, o loo faavae le teena o le talosaga toe iloilo poo le talosaga apili a Alii ma Faipule o Levī ona ua silia ma le 60 tausaga le faaiuga a le Faamasinoga o Fanua ma Suafa, e le’i apiliina muamua lava e Levī.
O faamaumauga a le Faamasinoga, o le tausaga 2023 lea sa tuuina mai ai se poloaiga a le LTC, e tolu masina e tuuina atu mo aiga e 47 o Levi, e faatula’i ese ai aiga uma nei e 47 o le afioaga o Levi mai le nofoia ai o eleele o loo faasino i Alii ma Faipule o Afega.
Ua faatumauina pea le aloaia o fanua nei e finauina, o fanua o Afega ae o loo nofoia faasolitulafono e Levi, e tusa ma faaiuga ua maea ona tuuina mai e le Faamasinoga.
I fafo mai o le potu faamasino na molimauina le masii atu o afioaga e lua e tapuaia le faaiuga o le Faamasinoga.
O Afega e silia ma le 50 matai ma taulelea na auai i lea aso, ma e faapena foi le afioaga o Levi, e silia foi ma le 50 matai, o taulelea ma faletua ma tausi sa auai, e tapuaia le gasegase a Malo.
Ua silia i le 50 tausaga o aumau nisi o aiga o le afioaga o Levi ma galueaina fanua mo faatoaga e atinae ai aiga aemaise ua lago mau ma tao’oto matua i tuugamau i eleele. o loo faatumauina pea le faaiuga le faamasinoga o fanua ma suafa, o fanua e onaina e Alii ma
O se faaiuga e le’i faigofie ona talia e le afioaga o Levi, ona na ta’ua e se tasi o matai o le afioaga, “ua mautu fale a’o le malosi sa galueaina ai faatoaga ae ua taooto mai tia sa o matou tuaa.. e le’i iai foi se faamatalaga na tuu taliga mai ia i matou, o loo matou nofoia eleele o Afega.”
Mau a Alii ma Faipule o Levi Saleimoa
Mau a Alii ma Faipule o Afega
Pacific Ezy are Seeking a SENIOR ACCOUNTANT into their dynamic team:
Job Opportunity at UTOS! Seeking a Information Technology Manager.
- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025
