Faatonuina le Minisita Lagolago o Leoleo ma Falepuipui e Faamavae Mai

"Sa taumafai le faipule e fa'aaoga faasolitulafono le tusi folau mo malaga faalemalo (diplomatic passport).."

0
2677

Ua faatonuina e le taitai o le Malo le afioga i le Sa’o Faapito ia Fiame Naomi Mata’afa le Sui Faipule o Salega Numera 1, ina ia faamavae mai lona tofiga o le Minisita Lagolago.

Book Now to see and experience our beautiful Samoa.

O le afioga ia Fepuleai Faasavalu Faimata Su’a o le Minisita Lagolago lea o le Matagaluega o Leoleo ma Tineimu.

O le faaiuga o le vaiaso na tuuina atu ai e le afioga i le tamaitai Palemia se tusi i le Minisita Lagolago poo le faipule o Salega 1, le afioga iā Fepuleai Faasavalu Faimata Su’a, ina ia faamavae mai i lona tofu Minisita Lagolago.

E le aafia ai le tofiga o le sui faipule.

I ni faatalanoaga ma nisi o Minisita o le Kapeneta sa tāua ai le mafuaaga o lea faaiuga.

O se faigamalaga a le faipule o Salega 1 i Amerika Samoa, ae aunoa ma se pemita na tapenaina.

Sa taumafai le faipule e fa’aaoga faasolitulafono le tusi folau mo malaga faalemalo (diplomatic passport) ae lei taliaina e Amerika Samoa.

O lea sa mafua ai ni feteenaiga ma le aufaigaluega o femalagaiga i Amerika Samoa.

O le Sui Konesula o Samoa i Amerika Samoa iā Fata Brian Kaio, na fesoasoani ina ua tulai ane le faafitauli.

O Fepuleai Faasavalu, o se tasi o Sui Faipule sa molia foi e leoleo i le tausaga ua mavae, ina ua lavea se taavale a le Matagaluega o Leoleo sa ia faafoeina.

Sa lavea le taavale i le auala laupapa Iea sosoo ma moli (four corner) i le agai atu i Maagao ma Faatoia. Sa faamauina lena  soligatulafono ma faasalaina ai i le $100 tala.

E lei mafai ona tali mai le Sui Faipule ona sa ia tāua e lei maua so la fesootaiga ma le afioga i le Palemia.