O le a Faatino se Suesuega i Atugaluga a le Aufaigaluega agai le Taitaifono o le SNPF

"O le aano moni o le fesiligia e le pulega o gaigoiga a le taitaifono - poo talafeagai ma tulafono a le NPF le faamatuu atu o nei seleni."

0
1861

O le a faatino se iloiloga (investigation) i le mataupu a le NPF, ina ua tuuina atu se tusi talosaga a le aufaigaluega e faaali ai o latou popolega agai faaiuga fai a le Taitaifono.

O le faamatuu atu faanogatupe e le Taitaifono o le NPF ia Papalii Panoa Tavita Moala o se tinoitupe e $67 miliona tala lona aofai i totonu o le iva masina, o loo fesiligia nei e le Pulega.

I se feiloaiga ma le vasega o tusitala na faaali ai se finagalo o le Minisita O Tupe le afioga ia Lautimuia Uelese Vaai, e faamanino ai le mataupu ua vevevesi ai nei le atunuu ae maise o le au failafoga.

Faamati Specials at SOS! Togafuafua and Salelologa.

“O le Taitaifono, o le Komiti Faafoe ma le Ofisa Sili, o i latou nei e iai le malosiaga poo le power e mafai ai ona latou faamatuu atu seleni mo nonogatupe i luga o tulafono ma taiala a le faalapotopotoga o tupe, ma e le o se mea fou le mea lea ua tupu,”

Saunoa Lautimuia, “O le aano moni o le fesiligia e le pulega o gaigoiga a le taitaifono – poo talafeagai ma tulafono a le NPF le faamatuu atu o nei seleni.”

O seleni na faamatuu ma faamaonia e Papalii Panoa Tavita Moala, e aofia ai:

Samoa is the Home of Taula.

* $13 miliona mo le aulotu a le SISDAC e faatau ai le Hotel Moanalisa

* $4.3 miliona mo le Niu Pharmacy

* $11 miliona mo le Samoa Beverage Limited

* $2.1 miliona mo Dr Aiono Alec Ekeroma

* $8 miliona mo le Sheraton Hotel

* $4 miliona Samoa Pure Water

This week’s specials at SSAB!

Saunoa le Minisita, “O le savalia o lona ofisa e le Pulega a le NPF ma se tusi ua faaigoaina “Letter of Concern” na tapā ai loa se finagalo o le loia a le faalapotopotoga ma tuuina mai ai se fautuaga ina ia tuuina atu le fitu aso e tali mai ai le taitaifono.

Na maua se fesootaiga ma le afioga ia Papalii Panoa Moala mo sona finagalo e tusa ma lenei mataupu, peitai, na ia saunoa mai:  “I have no comment, sei maea se matou feiloaiga ma le Minisita” ona faatoa tuuina mai lea o sana tali.

O le gasegase ai o le Ofisa Sili ia Lemalu Selesitina Reti, lea sa oo atu ai le Taitaifono a le SNPF ma tofia ai e ia lona lava tagata e fai ma Pule Sili (Acting).

I aiaiga o Pule Lelei (Good Governance) o le Komiti Faatonu e faafoeina le sa o se matagaluega i lona vaai mamao ma le utaga loloto, ae o le Pule Sili ma le aufaigaluega e faatinoina galuega faasolo.

O le avea ai o se Taitaifono ma Pule Sili, ua le ogatasi lea ma faiga faavae o Pulega Lelei e pei ona taitaiina ai Matagaluega ma Fa’alapotopotoga a le Malo.