O tamaitai e toaiva ma alii e toaono na faatauto e fai ma sui fou o le Matagaluega o Falepuipui ma le Ola Toefuataina.
Sa faia lenei faatautoga i luma o lana afioga i le Alii Faamasino ia Loau Donald Kersalake o le Faamasinoga Faaitumalo, ina ua maea a latou aoaoga sa faatinoina mo le fitu vaiaso.
I le saunoaga a le afioga i le Faamasino na ia faatāuaina ai le galulue faatasi, ma le faamaoni o sui fou o le matagaluega i le vaaia lea o i latou o loo tuli faasalaga i toese.
“E tāua lo latou tiute o le puipui o le atunuu lautele mai iā i latou o loo tuli faasalaga..”
O se taimi muamua lea ua faatino ai aoaoga mo sui fou (new recruits) i lalo lava o le Falepuipui ma le Ola Toefuataina. Sa masani lava ona tuu faatasi le aoaoina o sui fou o le Falepuipui ma Leoleo.
O le susuga ia Leiataua Afamasaga Samuelu ma lana pulega sa latou molimauina lenei faamoemoe.
- 177 Moliaga o le Gaoi a o Avea ma Tagata Faigaluega o le National Bank of Samoa - December 4, 2023
- Toe Tolopō i le 2024 le Mataupu a lē sā Gaoi le $1.5 Miliona mai le ANZ Samoa - December 4, 2023
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
