O le Aso Gafua na amata faasolo ai taualumaga o le faamasinoga mo Malele Paulo poo King Faipoo, ma Lema’i Sione o loo molia i le taupulepule e faaoo le oti i lē sa avea ma palemia.
E silia ma le 10 molimau a le itu a leoleo o loo valaauina i luma o le Faamasinoga Maualuga e molimau i le mataupu, e aofia ai ma nisi o matai mai le afioga o Laulii lea sa latou mua’i lipotia le mataupu i leoleo.
O le amataga o taualumaga o le faamasinoga na saunoa ai le afioga i le Faamasino Sinia ia Vui Clerance Nelson, e faailoa se poloaiga a le faamasinoga e faasa ai ona faailoa le tele o vaega o lenei faamasinoga.
E māfua lea tulaga, ona e lē o atoa uma i latou o loo tuaia i lenei mataupu e pei o le alii o Talalelei Pauga lea e lē o mafai ona toe faafoi mai i Samoa mai Ausetalia.
E toalima nisi o tamalii ma failauga o loo se’ei i le vasega o faatonu mo le iloiloina o lenei mataupu.
O le afioga ia Unasa Sapolu o loo tulai mo Lema’i Sione, ae o le Alii loia ia Quentin Sauaga o loo tulai mo Malele Paulo.
Na vaaia le faatumulia o le potu faamasino i le toatele o e sa auai atu e fia faalogologo i lea mataupu.
- Faatonuina le Minisita Lagolago o Leoleo ma Falepuipui e Faamavae Mai - November 28, 2023
- Numera 1 Sauaga i Totonu o Aiga i lo se isi lava Soligatulafono i Totonu o Samoa - November 26, 2023
- Faaulu se Tagi a Levi Saleimoa i le Ofisa o Sulufaiga - November 25, 2023
