O loo faasolo nei suesuega a le Matagaluega o Leoleo i se tino maliu na lipotia mai i le afioaga o Faleula i le taeao o le Aso Toanai na se’i mavae atu nei.

O tafatafa ane o le auala galue e alu agai i uta sa maua atu ai le tino maliu o se alii e tusa ma le 30-40 tausaga lona matua, e pei ona faamaonia mai e le Komesina o Leoleo ma Falepuipui, le afioga ia Auapaau Logoitino
Saunoa Auapaau, “O le taeao o le Aso Toanai na tali atu ai leoleo i se valaau mai o nisi o le afioaga o Faleula, i se tino maliu o loo taatia e lē mamao ese lava mai le alatele..”
I uluai suesuega (preliminary findings) a le Matagaluega, e lē o iai ni manuaga tugā o le tino maliu e atagia mai ai se faaoogalima.
Peitai, o loo mata’itū pea i suesuega ni maka (marks) o loo vaaia i le vaega o lona lima i le tulaga e pei sa masani ona faamau ai se uati.
Ei le va o le 30 – 40 tausaga le matua o le soifua o lē ua maliu i le maitau ai le matagaluega.
Ae ua tuualalo mai le Matagaluega e tauala mai i le Komesina, e manaomia le fesoasoani a le atunuu, i soo se tasi o loo ia silafia se faamatalaga e uiga i lenei faalavelave.
“E tatau ona e valaau mai pe e te susu mai fo’i e faailoa mai, e fesoasoani ai i sailiiliga a leoleo..”
“O faamatalaga uma ma lou suafa o le a malu puipuia uma e le Matagaluega.”
Ua faailoa fo’i e Auapaau, o loo tapena lipoti masani mo le tuuina atu i le Pule o Maliu Lilo (Coroner) ina ia faatonuina ai se taotoga faapitoa mo le faamautuina o le mafuaga o le maliu.

O se tasi molimau mai le afioaga o Faleula, na ia tā’ua e faapea sa iai ni feeseeseaiga tau fanua a lē ua maliu ma nisi o le afioaga i nai vaiaso talu ai.
“Ae o lea ua faafuasei ona maua atu lona tino maliu..”
O loo faaauau pea suesuega a leoleo ma toe maua mai ai nisi faamatalaga i lenei faalavelave.
Faasalalauga Tāua







- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025














