Faasilasilaga mo le Itumalo o Sagaga #2

0
1065

Faasilasilaga mo le Itumalo o Sagaga #2 Aso Faraile, 25 Mati

1. Na faataunuuina se a’oa’oga mo nisi o tamaitai/faletua ma tausi mai Malie, Afega ma Tuanai, i le faatinoga o le su’ega (rapid antigen test poo le R.A.T). O lea aoaoga sa faatino lava e fomai mai le Ministry of Health (MoH). O lona uiga, o lea ua mafai lava e lo tatou itumalo ona faatino le su’ega po ua maua se tasi i le koviti e aunoa ma le faatali mo se fesoasoani mai le falema’i.

2. Ua manino foi tatou ‘Team’ nei i le faatalatalanoa ma lē ua maua (positive) i le koviti (poo ona matua pe afai o se tamaitiiti) e ala i nei su’ega (test) pe faanofoesea i lona lava aiga pe faanofoesea ise nofoaga faatasi ma isi o le nuu o loo tausi faatasi ai.

3. Ua manino foi nei Team taitasi i fautuaga e tuuina atu i se aiga ua maua se tasi i le koviti.

Afai ae maua se tasi i āuga masani o le flu, e lelei ona vave fesootai mai loa le taitai o le team a lo outou lava afioaga:

MALIE TEAM:
Taitai: Lakisa Toelupe
Tel: 751-9210

AFEGA TEAM:
Taitai: Tumua Leu
Tel: 769-4843

TUANA’I TEAM:
Taitai: Ama’ama’ula Semau
Tel: 766-463

4. O loo tālia pea se tali mautu mai a le MoH e ala i le faatuina o se isi Centre mo le faiga o tui-puipui i lo tatou Itumalo (Afega).

5. Tatou tālia foi se Talosaga ua uma ona tuuina atu i le Malo mo sina fesoasoani ao feagai ai tatou ma nei aso faigata, aemaise lava mo nai aiga ua utiuti le faasoa.

Toe manatu tuualalo:

E lē aoaia e le matapia le manaia ae o se tatalo faatauanau pea i le mamalu a lo tatou Itumalo- “E tāua tele ona muamua lava i tatou ona fesoasoani ia i tatou lava. E ao ina tatou muamua faatino ia fautuaga ua aumai e pei o le fai o le punifofoga; nofo ile fale aemaise lava le fanauiti ma isi fautuaga mo le puipuia/faaitiitia o le faama’i”.

Soifua,
O la outou auauna faipule.

Faasalalauga mo Faiiunite a le UTOS