Ua toe ave i tua ni lu’i faaletulafono e lua(2) sa aafia ai le Itumalo o Faasaleleaga 1.
Ina ua valaauina i luma o le Faamasinoga mataupu o loo lu’iina ai e le isi sui tauva le agavaa o le isi sui tauva, sa faamaonia ai le toe ave i tua o mataupu e 2 sa aafia ai sui tauva a Faasaleleaga 1.
Sa faaulu le lu’i a Seumanu Saunoaimalu Faimata Sua (FAST) – e faasaga ia Matamua Seumanu Vasati Sili Pulufana (SUP) ma o lea ua faaui nei i tua.
Sa faaulu fo’i le lu’i a Leatigaga Matafai Iiga (FAST) – e faasaga ia Pipi Pauli Tevita Tariu (HRPP) ma o lea ua toe faaui nei fo’i i tua.
E pei ona faamautinoa mai e sui o le Itumalo, o se tofā mai tapa’au o le afio’aga lea ua mafua ai faaiuga, e toe faaui i tua nei mataupu.
Ae o loo faaauau pea mataupu e 9 sa valaauina i luma o le Faamasinoga Maualuga i le asō 28 Iulai 2025.
Gagaifomauga 3
1. Laaulilemalietoa Leauatea Polataivao Fosi Schmidt (Taitaifono a le FAST) – e faasaga ia Faaulusau Rosa Lavea (HRPP).
Faleata 4
2. Ale Vena Ale (FAST) – e faasaga ia Pepe Christian Fruean (HRPP)
Faleata 2
3. Muaaufaalele Mary Faafouina Taeu (FAST) e faasaga ia Leatinuu Wayne Soaialo (SUP)
Faleata 2
4. Leatinuu Wayne Soaialo (SUP) – e faasaga ia Ulugia Elon Betham (HRPP)
5. Leatinuu Wayne Soaialo (SUP) – e faasaga ia Muaafaalele Mary Faafouina Taeu (FAST)
Gagaemauga 1
6. Tuala Toaivao Iosefo Ponifasio (SUP) – e faasaga ia Lauano Mulivai Lauano Pau
Gagaaemauga 1
7. Tuala Toaivao Iosefo Ponifasio (SUP) – e faasafa ia Vaaaoao Salu Alofipo (FAST)
Faleata 4
8. Paloa Louis James Stowers (FAST) – e faasaga ia Lealailepule Rimoni Aiafi (HRPP)
Vaisigano 2
9. Valasi Luapitofanua Tafito Toomaga Selesele (SUP) – e faasaga ia Tagaloa Leilua Tupou Afa.
O le asō na faatulaga mai ai aso e suesueina ai tagi taitasi.
O le Aso 15 o Aukuso – e oo atu iai ua tatau ona maua mai tali o mataupu uma nei e faasaga i Sui Tauva, a’o lei faia le Palota i le Aso 29 o Aukuso.
- 16 locals and 14 overseas-based applicants Pass the Malua Entrance Exam - October 13, 2026
- Fuafua le Malo e Toe Faatū Nofoa e Lua mo le Au Palota Tu Taulaga - October 11, 2026
- Tumau Tuia Pu’a Fuatogi Letoa i le Nofoa o Safata 2: Teena le Talosaga a Leleua - October 9, 2026
