Ua faasala nei i le falepuipui ni talulelea e toalua na laua osofaia se tamaitai faigaluega i se tasi o supamaketi i Lotopa.
O Paulo Lolouta ma Shawn Sipaiki, ua faasala e nofo sala nei i le falepuipui, ina ua ioeina moliaga o le gaoi (theft), faomea (robbery) ma le faaoolima (assault)
I faamaumauga o le itu a Leoleo, o Paul na faia se gaioiga o le mau i le ua o le tamaitai faigaluega ma lolo’u i lalo. Sa ia oomia foi le gutu o le tamaitai ma sa taumafai foi e tatala le masini o loo iai tupe o le faleoloa, ae peitai e lei mafai.
O Shawn na ia agai mai fafo ma aumai pepa sikaleti laiti o le Pall Mall ma le tasi le faguinu.
E tolu tausaga ua faasala ai Paul Loloua, e mafua i le tele o lana gaioiga sa fai. Ae 12 masina e nofo sala ai i le falepuipui Shawn, e fua foi i lana gaioiga sa fai.
I le saunoaga o le Afioga i le Faamasino Sinia o Vui Clarence Nelson, “O gaioiga faapenei ua faatupulaia ma e ao e le Faamasinoga ona faatino faasalaga talafeagai e tafi ese ai nei ituaiga solitufano.”
O masini pueata o le faleoloa sa iloa ai nei gaioiga sa faia i le ao teatea.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
