Faasala i le falepuipui ona ua faamaonia le faamasinoga le maliu ai lona uso.
E lua tausaga ma le fitu masina ua faasala ai e le Faamasinoga Maualuga le alii o Maeli Faleiva e 36 tausaga ona ua faamaonia le maliu ai o lona uso laititi e 27 tausaga.
O le masina o Fepuari 2022 o le tausaga nei na tulai mai ai lenei faalavelave i le afioaga o Safa’i i le motu tele Salafai.
I faamaumauga a leoleo e faapea o se inugava malosi sa faatinoina e i laua, ma sa tā’ua ai foi le fagu o le Rover Voka i le inuga a le au uso.
E pei ona saunoa iai le Sui Palemia ma o ia foi o loo vaaia le Komiti Faapitoa o Ava Malosi (Liquor Board) le afioga ia Tuala Tevaga Ponifasio, ua tapunia lenei kamupani gaosi ava ona o le maualuga o le methanol poo vailaau e aafia ai tele le mafaufau.
E faapea sa fe’eseesea’i le Maeli ma si ona uso laititi. Sa faaoga e le alii ua maliu se agaese ma aafia ai Maeli.
Na faifai tetele lea fe’eseeseaiga, ma oo ai ina fealuai luga o le auala le Alii 27 tausaga ma se agaese ma laulau vavale I luga o le ala tele, na taumafai atu Maeli e faafilemu lona uso laititi e ala I lona faa’aogaina o se amo pomuli ma ia taia faatolu ai le muliulu o lona uso laititi ma maliu ai lava.
E tolu moliaga e aofia ai le
1. fasioti tagata paivalea
2. faaoomanu’a tu’ga
3. umiaina se aupega matautia.
O ia moliaga na ioeina uma e le Alii o Maeli Faleiva, ma ua tuuina mai ai ma le faasalaga le faamasinoga e Lua tausaga ma le fitu masina ua faasala ai le falepuipui I Tanumalala.
(3)
