Aso Lua 10 Oketopa 2023. Government Press Release. O le asō, na molimauina ai e Mālō e lua, le fa’apa’iaina ma le suaina o le ‘ele’eele mo se Ofisa Autu o Amerika Samoa.
O se fanua o le Mālō o Samoa i Moata’a, o lo’o lisiina e le Mālō o Amerika Samoa mo le faatuina o lenei Ofisa, e fa’amautū iai ona Ta’ita’i pe a malaga mai i laufanua o Samoa mo fonotaga fa’avāomālō.
O lea fa’amoemoe na saunoa iai le afioga i le Palemia o Samoa iā Fiame Naomi Mataafa faapea ma le afioga i le Kovana Sili o Amerika Samoa iā Lemanu Palepoi Siālegā Mauga.
Sa la fa’ailo le tāua o le iai o nei Ofisa Autū o Mālō e lua i Samoa nei, faapea foi Amerika Samoa.
O le asō foi ua amata aloaia ai fonotaga lona fā a Malo e lua poo le Atoa Samoa.
O le polokalame a le Atoa Samoa mo lenei vaiaso e aofia ai ma le asiasi atu i le motu tele i Salafai e faatino ai nisi o fonotaga.
O le sini autu o le Atoa Samoa, ina ia faatupulaia pea le galulue faatasi o Malo e lua mo fefaatauaiga i le va o Samoa e lua, faapea le faafaigofieina o femalagaiga ae maise o avanoa e atiinae ai itu eseese o le tamaoaiga, aua le manuia lautele o tagatanuu.
E 12 itu mo le atiinaeina o atunuu e lua o loo faatāuaina e se Maliega poo le MOU (Memorandum of Understanding) a le Atoa Samoa. E nisi o mataupu tetele e aofia ai Faatoaga ma Faiva, Turisi, Tenokolosi, Puipuiga o le Siosiomaga, Aoaoga ma le Soifua Maloloina, faapea avanoa tutusa mo tagata uma (gender equality).
O loo iai foi aiaiga o le MOU, e faalua i le tausaga ona feiloai Malo e lua – ia Aperila ma Oketopa o tausaga taitasi.
- Faapaia ma Suaina le Eleele mo le Ofisa Autu o Amerika Samoa i Samoa - October 10, 2023
- Palolo Rising 2023: Get Your Scoop and Lined Basket Ready! - October 5, 2023
- “Efforts To Reduce Global Emissions Must Be Everyone’s Priority For The Sake Of Humanity” - September 25, 2023
