Faaopoopo le Toatasi ua Maliu i le Koviti, ae 3 i Latou o loo i le Potu Tigāina i Motootua

0
967
TTM Motootua National Hospital. Photo: Julius Netzler, SGN.

PEPA O FA’AMATALAGA – Aso Lulu, 06 Aperila 2022.  I se tala lata mai talu ona pepesi i tua le faama’i o le Koviti-19, ua fa’amaonia mai e le Matāgaluega o le Soifua Mālōlōina e toatasi se tama matua 87 tausaga ua maliu, ae toatolu i latou o loo i le potu tigaina o le falemai i Motootua.

I se Pepa o Faamatalaga, ua faamaoniaina ai le faaopoopo o le toa 275 o le mamalu o le atunuu ua aafia, “Ua si’itia nei i le 2,997 i latou ua a’afia talu ona sao i tua le fa’ama’i i le Aso 17 Mati 2022”.

O le toatolu ua maliliu, o matua tausi uma i latou, ma o lenei faamai i lona aafiaga i isi itu o le lalolagi, o tama ma tina matutua lava e mamafa iai e o loo aafia.

I faamaumauga a Samoa, e toa 186 i latou ua silia ma le 65 tausaga ua positive latou suega, ae o le va o le 60-64 tausaga, e toa 89 i latou ua positive talu mai le sao i tua o le faamai.

O pepe foi i lalo o le 4 tausaga e maitauina le toatele, pe a faatusa atu i isi tausaga o tamaiti laiti. Ua toa 186 foi i latou 0-4 tausaga ua faamauina ua positive latou suega.

Ua siisii le fainumera o Savaii talu mai isi lipoti a le Matagaluega. Sa toalaiti lava cases mai Savaii, ae o lea ua siitua i le 118 Savaii i le lipoti lata mai. E 77 i le aso 5 o Aperila, ae 118 i le Aso 6 o Aperila.

E tusa ai ma fa’amaumauga a le Matāgaluega o le Soifua Mālōlōina e 27,830 su’ega (RAT TESTS) sa faia mo le mamalu o le atunu’u talu ona pepesi i tua le fa’ama’i. Ua lipotia mai foi e le Matagaluega i le aso ananfi, e pito sili ona toatele e o loo pesia i le faamai (attack rate) i itumalo o Faleata 4 ma Vaimauga 4.