Faaopoopo le 172 – ua 1,665 ai le aofai, ae 1,353 i Latou o loo A’afia Pea

0
34

Ua fautuaina le mamalu o le atunuu, ua fa’amaonia mai ai e le Matagaluega o le Soifua Maloloina e to’a 172 i latou fou ua fa’aopoopo i le mamalu o le atunu’u lautele ua a’afia i le siama o le Koviti-19. Ma ua si’itia ai i le 1,665 i latou ua a’afia i le atunu’u lautele talu ona pepesi i tua le fa’ama’i i le Aso 17 Mati 2022, ae mo le taimi nei ua na’o le 1,353 i latou o lo’o a’afia pea.

Ua fa’ailoa manino mai foi i fa’amaumauga, o le 15 tausaga e agai atu i le 35 tausaga o lo’o mafuli ai i latou o lo’o a’afia. Peitai o loo maualuga foi le numera oi latou ua a’afia i le fa’amai mai i le 35 tausaga e agai atu i le 55 tausaga le matutua.

O le 97% o e ua a’afia mai le mamalu o le atunu’u lautele, o lo’o nonofo i Upolu a’o le 3% o lo’o aumau i Savai’i ma o lo’o tumau pea le malu puipuia o Motu o Manono ma Apolima Tai e aunoa ma se tasi ua pesia.

E o’o mai le asō, o le aofa’i e 331,987 o tui puipui (vacines) o le KOVITI-19 ua fa’amauina ua mae’a ona fa’aaogaina mo le mamalu o le atunuu. O lenei aofaiga e aofia ai le 36,682 o tui puipui (doses) o le Pfizer mo le 5 tausaga e agai atu i le 11 tausaga, 48,231 tui (doses) o le Pfizer mo le 12 e agai atu i le 17 tausaga le matutua, ma le 247,074 tui (doses) o le AztraZeneca ma le Pfizer mo i latou e 18 e agai atu i luga tausaga le matutua.

Ua fa’amauina e le Matagaluega o le Soifua Maloloina, e tusa lea ma le 96.4% pasene oi latou e agava’a (eligible population) mo le fa’atinoina o tui puipuia, ua maea ona fa’atinoina latou tui muamua (first dose) ae 69.1% pasene mo le tui lona lua (second dose). E tusa ma le 13.8% i latou ua fa’amauina mai i tausaga e 18 e agai atu i luga le matutua, ua maea ona fa’atinoina latou tui lona tolu (booster shots).

Ua fa’ailoa manino mai foi i fa’amaumauga, o le 15 tausaga e agai atu i le 35 tausaga o lo’o mafuli ai i latou o lo’o a’afia. Peitai o loo maualuga foi le numera oi latou ua a’afia i le fa’amai mai i le 35 tausaga e agai atu i le 55 tausaga le matutua.

Ua fa’amaonia fo’i e le Matāgaluega o le Soifua Mālōlōina e 18,805 su’ega – (RAT Tests) sa faia talu mai le aso na mua’i pepesi ai tua le fa’ama’i.