Ua faailoa mai e le Ofisa Tutotonu mo Faalavelave Matuia le faatinoina o tui puipui mo le mamalu o le atunuu, ae ave le faamuamua i le fanau.
O le faasalalauga o loo faapii atu i lalo o loo faapea mai ai e faamuamua tamaiti 6 masina e oo atu i le 19 tausaga le matutua, ma tamaitai e 20 e oo atu i le 35 le matutua.
Sa fesiligia e le Samoa Global News le Alii Pule Head of Clinical Services, le Afioga ia Tevaga Dr Ponifasio Ponifasio ma sa tali mai, e tele tulaga o loo galulue iai le Matagaluega e faafaigofie ai mo le mamalu o le atunuu.
“Ua faafaigofie atili mo le mamalu o le atunuu ma aveese ai le lē mautonu.”
“We have simplified the process further to make it easy for everybody and avoid the confusion.”
“Mo le faafaigofie, o loo faamuamua tagata uma 6 masina i le 19 tausaga, ma tamaitai e ono maitaga.”
“To make it easy – all below 19 years and women of child bearing ages are priorities.”
O le faasalalauga o loo faapipii atu i lalo, o loo talosagaina ai le mamalu o le atunuu i Upolu ma Savaii e agai atu pea i lotoa o falemai tetele i Motootua ma Tuasivi, faapea falemai faaitumalo uma. Sei vagana Upolu, o loo mafai foi ona faatino i le lotoa a le Koluse Mumu i Tuanaimato.
Sa faamalosia mai e le faasalalauga sa tuuina mai e le Komiti Faapitoa mo Faalavelave (Disaster Advisory Committee) le faataunuuina o tui puipui o le misela mo tagatanuu uma o Samoa, lea o loo faasolo nei i lalo o le vaavaaiga a le Ofisa Tutotonu mo Faalavelave Matuia (National Emergency Operation Centre).
FAASALALAUGA: Tui Puipui mai le Misela
(OFISA TUTOTONU MO FAALAVELAVE MATUIA) Ua lapataia e le Matagaluega o le Soifua Maloloina le mamalu o le atunuu mo le utugia mai o lenei Faaliga Faalauaitele mo le faataunuuina o tui puipui o le Misela lea ua faamalosia faaletulafono e pei ona faamaonia ai e le Malo o Samoa.
E tatalo atu ai le Matagaluega i le atunuu ina ia ave le faamuamua iai latou nei
• Taimaiti 6 masina le matutua e o’o atu i le Tupulaga Talavou 19 tausaga le matutua
• Tamaitai e lei maitaga mai le 20 ile 35 tausaga le matutua
NOFOAGA OLE A MAUA AI TUI PUIPUI
UPOLU
Falemai Tele Tupua Tamasese Meaole I Moto’otua (TTMH)
Vaega o Tui Puipui, (Immunization Clinic)
Vaega o Faalavelave Faafuasei (Emergency Department)
• Aso Gafua-Aso Faraile 8am-8pm
• Aso To’onai 8am – 1pm.
Ofisa o Aiga Fuafuaina-Moto’otua (faafesagai ma le Falemai TTMH
• Aso Gafua-Aso Faraile 8am-8pm
• Aso To’onai 8am – 1pm.
Wellness and Youth Friendly Service (Ofisa Tuai mo le Gasegase Suka/Diabetes) i Matagialalua, Eleele Fou.
• Gafua-Aso Faraile 8am-8pm
• Aso To’onai 8am – 1pm.
Falemai Faaitumalo: (Leulumoega, Poutasi, Lalomanu) ma Community Health Centres (Faleolo, Lufilufi, Saanapu)
Aso Gafua-Aso Faraile 8am-8pm
• Aso To’onai 8am – 1pm.
Mobile Service Unit Office i le Lotoa a le Koluse Mumu i Tuanaimato
• Gafua-Aso Faraile 8am-5pm
SAVAII
• Falemai Malietoa Tanumafili II Hospital (MTIIH) Tuasivi Vaega o Tui Puipui, (Immunization Clinic)
Gafua-Aso Faraile 8am-8pm
Aso To’onai 8am – 1pm.
Falemai Faaitumalo i (Sataua, Safotu, Foailalo) and Community Health Centre (Satupaitea),
• Gafua-Aso Faraile 8am-5pm
Mo nisi faamatalaga faafesootai mai le telefoni 997
- Two Samoa Lifters have Officially QUALIFIED for 2024 Paris Olympic Games - September 17, 2023
- Samoa Prime Minister Announces Cabinet Reshuffle: New Finance Minister and Two Additional Ministers - September 6, 2023
- Samoa Wins Two Gold Medals at Oceania Senior Wrestling Championships 2023 - August 9, 2023
