Home Faa-Samoa Fa’amavae le Afioga i le Minisita i lona Finagalo ia Apo pea...

Fa’amavae le Afioga i le Minisita i lona Finagalo ia Apo pea le Malu o le Tulafono, ma le Puipuiga o le Ta’uleleia o le Malo

0
636

O le asō, 2 Aperila 2025 na tuuina atu ai le faamavaega a le afioga i a Faleomavaega Titimaea Tafua mai le tofiga o le Minisita o Pisinisi Alamanuia ma Leipa i le afioga i le Ao Mamalu o le Malo e tusa ai ma le Mataupu 33(3)(d) o le Faavae o le Malo Tutoatasi o Samoa.

Ua maea foi ona laolao ma a’u ne’i lona finagalo. Ua faailoa mai le taliaina ai e le afioga i le Ao Mamalu o le Malo le faamavaega a le afioga i le Minisita, ma e amata faamamaluina i le itula e 12.00am i le taeao o le Aso Tofi, 3 Aperila 2025.

O le tulai mai ai o le faalavelave tau taavale na aafia ai le afioga i le Minisita i le faaiuga o le vaiaso na te’a nei, ua faatulai ai ni moliaga faaletulafono tau taavale afi e faasaga ia te ia, ua taunuu ai i lona finagalo e faamavae mai lona tofiga faaminisita. O lona finagalo ia apo pea le malu o le tulafono, aemaise le puipuiga o le ta’uleleia o le Malo.

O se laolao taua foi e tapena ai le afioga i le Minisita mo le fofogaina o lenei mataupu i le luma o le Faamasinoga.

E tumau pea le faataua o le mau faaletulafono, e le tausalaina se tasi se’i vagana ua faamaonia e le Faamasinoga sana soligatulafono.

LEAVE A REPLY

Please enter your comment!
Please enter your name here