Tusia: Pesetā Tusiga Taofiga Sooupu a le Malo. $4.6 MILIONA UA FA’AAGAGA E LE MĀLŌ MO LE TOE FAUSIA ATOA O LE TAUĀLUGA O LE OFISA O FA’AMASINOGA I MULINU’U.
Ua pāsia e le Kapeneta, le fa’amatu’u atu o le $4.6 miliona mai Tupe Fa’aleoleo mo fuafuaga lē ma’alofia a le Mālō [unforeseen].
O le faamoemoe a le Kapeneta, ina ia fa’atupeina le toe fausia atoa o le tauāluga o le Maota po’o le Ofisa Autū o le Fa’amasinoga i Mulinu’u.
Saunoa le afioga i le Palemia, Susuga i le La’aulialemalietoa Leuatea Polāta’ivao Fosi Schmidt, ua o’o atu le lipoti i le Kapeneta, i le malosi o le tutulu ma le tulaga fa’aletonu ua i ai le tauāluga o le Fale Fa’amasino, ma o se itu ua tatau ai ona toe fa’aleleia auā galuega tau fa’amasinoga.
Saunoa fo’i le Palemia, ua amatamea le Mālō o Saina e fesoasoani mai i lenei galuega toe fa’aleleia, i le tu’uina mai o le $200,000 e amata ai le galuega.
Ua fa’atulaga fo’i Inisinia latou te silasila i le isi la’asaga o lenei galuega tele, ma mo’omiaga e ao ona ‘ave i ai le fa’amuamua e tusa ma le seleni ua fa’amatu’u atu e le Mālō.
O le fuafuaga mamao, e tatau ona mae’a atoatoa lenei galuega tele, a’o le’i o’o atu i le fa’ai’uga o le tausaga fou 2026.
O Ianuari o le tausaga 2010 sa tatala aloaia ai le Maota Faamansino o Samoa i Mulinuu e aofia ai le Faamasinoga Maualuga, Faamasinoga Faaitumalo ma le Faamasinoga o Fanua ma Suafa.
O se galuega sa fa’atupeina atoa e le Malo o Saina, peitai, e tele luitau o loo matauina i le tutulu o le fale, to’ulu o faaalo ma le faaletonu o ona masini ea malulu (air conditioning) ua sao ai le vai i totonu o potu faamasino.
Reports highlighted severe structural issues, including leaking roofs, falling ceiling pieces, and faulty air conditioning units that caused water damage in Courtrooms.
E iai fesoasoani a le Malo o Saina sa faatino ia Me o le tausaga nei e pei o le toe faaleleia o le Ofisa o le Faamasino Sili, ma le lipeaina (repairs) o lana potu faamasino (Courtroom 1).
- 194,267 Tagatanuu o Samoa sa maua le ta’i $150 tala - June 28, 2026
- A Fealofani tatou o Ta’ita’i – e Toafilemu foi le Atunu’u - June 27, 2026
- Pāsia Aloaia le Tala Faatatau Autu o le Tupe 2026/2027 - June 27, 2026
