FA’AMATALAGA O UIGA LOULOUĀ OLE TAU NUMERA TASI (A01) MO LAUFANUA O SAMOA. FA’AMAUINA E LE OFISA O LE VA’AI-TAU I LE ITULA E 5:00 I LE AFIAFI NEI ASO LUA 01 TESEMA 2020

0
61

FA’AMALOSIA: FAUTUAGA O TIMUGA MAMAFA

O se vaega o fetaia’iga o timuga ma savili o lo’o ta’oto nei i luga o Samoa fa’atasi ai timu fa’apea uila ma faititili. O lenei uīga loulouā o le tau o le a tumau pea ona aumaia uīga auaoa ma sūsū fa’apea savili e tō fa’ata’uta’u i nisi o taimi i le po ā nanei ma fa’asolo lava ina aga’i ese atu i Saute o le atunu’u. Ae peita’i, o se vaega o peau māmā o le ea o lo’o aga’i mai i Matū-i-Sasa’e, e ono fa’atupula’ia timuga mamafa i luga o le atunu’u i le vaveao ā taeao. Ona o ia tulaga ua alagatatau ai le fa’amalosia o Fautuaga o Timuga Mamafa mo vaega uma o Samoa.

 

A’afiaga mo le Atunu’u:

E mamafa timuga ma e puaoa, e fa’ata’uta’u savili i timuga, e mase’ese’e ma puaoa auala i nofoaga maualuluga, ma e lolovaia nofoaga i tafāala.

(O le isi fa’amatalaga o uīga loulouā o le tau o le‘ā tu’uina atu i le itula e 5:00 i le vaveao ā taeao)