Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu

0
5930

O se alii sa avea ma tagata faigaluega o le Ofisa o Tiute, o Peseta Sefulua Pueleo, ua faamaonia nei moliaga e lua o lona aumaia o fualaau faasaina i totonu o le atunuu.

O loo maua nei i le Le Well

I faamaumauga a leoleo i lenei mataupu ina ua suesueina i luma o lana Afioga i le Faamasino ia Loau Donald Kerslake, o Tesema 2020 na maua ai se pusa oloa o meaai o loo iai totonu le aisa, poo le methamphetamine.

I le molimau a le Sui Ofisa Sili, Alvin Onesemo, o le pusa oloa meaai o loo fesiligia sa faatuatusi ia ‘Peseta Pueleo’, ma o le na auina mai ai, o ‘Siaosi Mataio’ mai Amerika.

Peitai na teena e Peseta lea molimau e ala i lana tali na faailoa i luma o le Faamasinoga, na te le iloa lea tagata e suafa ia Siaosi.

Na faailoa foi e Peseta i luma o le Faamasinoga, na valaau mai se tasi o le aufaigaluega mai le kamupani vaa o le Transam, e alu atu e totogi le pili e ave ai i tua lana pusa.

Na taua e Peseta, sa alu ma totogi le $94 agai i le Transam, ma lona manatu o le pusa lea o loo aumai ai le afi a lana taavale mai Aukilani i Niu Sila.

Na teena malosi e Peseta le molimau a se tasi o aufaigaluega a le Transam. Na finau Peseta o le risiti o loo tusia ai le igoa ‘Leo Peseta’.

Na kolosi le tamaitai loia, o Fuifui Ioane o loo tulai mo le itu a Leoleo. Sa ia faamanatu ia Peseta Pueleo, pe aisea na ia totogiina ai le tupe ma faalisiti, pe afai o loo ia teena malosi mau a le itu a leoleo.

Na teena e Peseta, e ese le igoa o loo i luga o le lisiti, ae o loo ia ioeina le numera o lana telefoni ma lona nuu o Vailele o loo tusia i luga o le lisiti.

O le Aso 14 o le masina o Tesema o le ā tuuina mai ai se faaiuga a le Faamasinoga i moliaga ua faamaonia nei.

Faasalalauga Tāua