Faamaonia e le Faamasinoga le Tula’i o Unasa Iuni Sapolu mo Samuelu

0
563

Ua talia e le Faamasinoga le tula’i ai o Unasa Iuni Sapolu ma Fuimaono Josphine Sapolu mo Samuelu ma lona toalua ia Sivai Kepi.

Sa tuuina mai lea faaiuga e le afioga ia Fepuleai Ameperosa Roma i le vaiaso talu ai.

O lenei ulugalii o loo tuuaia i le faia lea o faamatalaga sese, i se faalavelave hit-n-run na tulai mai i Vaitele ia Aperila 2021, ma maliu ai se atalii na aoga i le Iunivesite o Samoa.

I lea lava mataupu, ua faasee ese mai le alii loia ia Lagaaia Fetu Lagaaia, lea sa tula’i mo Samuelu.

I le taimi a’o faasalalauina e leoleo lo latou sailia o Samuelu ma lona toalua, sa oo atu ai Samuelu i le Ofisa Loia o Lagaaia e faatalatalanoa lana mataupu.

O le itu lea o loo tau aafia ai le alii loia, i lona lē lipotia pe tuuina atu Samuelu i le ofisa o leoleo. Peitai, e pei ona faailoa mai e Lagaaia, e iai le tapu tāua i le vā o se tagata molia ma lana loia.

O Samuelu ma Sivai Kepi o loo nofo taofia pea i lalo o le vaavaaiga a leoleo. O le la mataupu sa valaau i le Faamasinoga Faaitumalo. Peitai e le’i taliaina e le Faamasinoga Faaitumalo se talosaga e tatala ai i tua, lea ua toe tuuina mai ai se talosaga i luma o le Faamasinoga Maualuga mo se avanoa e tatala ai i laua nei i tua.

Available Now at SOS Togafuafua and Salelologa branches.

O loo tumau pea le tetee malosi a le tamaitai loia ia Leinafo Taimalelagi Strickland, lea o loo tulai mo le itu a leoleo.

O le Aso 22 Aperila lea ua faatulaga e toe fofogaina ai lenei mataupu e iloilo ai le talosaga mo se avanoa e tatala ai i laua i tua.

E 106 moliaga a le itu a leoleo e faasaga ia Samuelu Fauena Sua ae 59 moliaga e faasaga ia Sivai Kepi. O nei moliaga o le faia o ni faamatalaga sese ma le tau faaleaga, faapea le fafauina o faamatalaga lē moni.

O le faaiuga a le Faamasino Sinia, le afioga ia Talasa Atoa-Saaga, sa tuuina mai ai mafuaaga o le lē taliaina o le tatala ai o i laua nei i tua.

Sa fua i luga o faamaumauga a le Faamasinoga, ma le talaaga o le soifua o Samuelu e aofia ai le sola soo i tua ao i lalo o le vaavaaiga a leoleo. O le fesuisuia’i o ona igoa i faamaumauga o pepa fanau faapea faamaumauga a le NPF.

Faasalalauga Tāua – Public Notices

Public Notice from UTOS

Please note change of time from 11am to 12:30pm