Faamanuiaina le Aufaiiunite a le UTOS i se Seleni Pito Sili ona Maualuga o le a Tufaina

O lenei tufatufaga e $8.5 miliona ua sili atu nai lo’o le tufatufaga i le tausaga ua tuanai atu, lea sa ausia ai le $7.5 miliona.

0
799
UTOS team

5 Iulai 2023, Apia Samoa. E tasi le miliona o le si’itaga o seleni fa’aagaga e tufatufa atu mo aufaiiunite a le Fa’aputugātupe Teufa’afaigaluega o Mavaega Tausi a Samoa (UTOS) mo le tausaga fa’aletupe fa’aiuina i le Aso 30 Iuni 2023.

Pule Sili o le UTOS, Tevaga Viane Tagiilima.

Ua toe fa’alauiloa e le Komiti o Fa’atonu a le Kamupani o Pulega mo Fa’aputugātupe Teufa’afaigaluega o Mavaega Tausi a Samoa fa’apea le Tausi Mavaega sesi tausaga manuia mo le Fa’aputugātupe ina ua latou fa’amaoina ma fa’alauiloa le $8.5 miliona tala o le ā tufatufa atu i sui-faiuinite i le maea ai o le tausaga fa’aletupe i le Aso 30 o Iuni 2023.

O lenei tufatufaga ua sili atu nai lo’o le tufatufaga i le tausaga ua tuanai atu, lea sa ausia ai le $7.5 Miliona, ma ua fa’amauina o se matāti’a fou lenei ua ausia talu ona fa’avae mai le Fa’aputugātupe i le 2010.

O sui-faiiunite sa iai latou teugātupe e o’o mai le Aso 30 o Iuni 2023, o le ā agavaa i le 8 sene i le iunite mai lea tufatufaga ma o le ā mafai ona tala uma i tua a latou tufatufaga, pe toe tului i totonu o latou teugātupe e amata atu le aso 10 o Iulai 2023. A faa-pasene e 10.95% le aofaiga o faamanuiaga mo lenei tausaga ma e 1.7% ua si’itia ai pe ā fa’atusatusa i le tausaga fa’alētupe sa fa’aiuina ia Iuni 2022.

Ina ua toe tatalaina o tuāoi mo faigamalaga mai Samoa ia Aukuso 2022, ae o lo’o fa’aauau pea ona saili’ili e le Fa’aputugātupe Teufa’afaigaluega o Mavaega Tausi a Samoa nisi avanoa fa’aopo’opo e ono maua mai ai nisi tupe fa’asili mo ana sui-faiiunite ma ana pa’aga masani, a’e o lo’o fa’aauau pea ona mata’ituina vaegatupe o lo’o teufa’afaigaluega i le taimi nei, ia mautino le ausia o se siitaga o tupe maua mo le aufaiiunite.

O lo’o fa’aauau pea ona fa’alauiloa e le Kamupani o Pulega le malu puipuia o ana tupe teufa’afaigaluega e pei ona iai lenei taunu’uga lelei o galuega fa’atino ale Fa’aputugātupe.

E ui o lo’o pagatia pea si o tatou atunu’u ma le lalolagi atoa ona o a’afiaga o le faamai o le Koviti-19, ae peitai, na mafai lava e le Fa’aputugātupe ona ausia ni taunu’uga lelei mai ana galuega fa’atino i totonu o nei tausaga e tolu.

Na fa’aalia e le Ofisa Sili o Pulega o le Kamupani o Pulega, Tevaga Viane Tagiilima e fai ai ma sui o le Komiti o Fa’atonu ma le Tausi Mavaega, lona fiafia e fa’ailoa le agaga fa’afetai i le mamalu o le aufaiiunite fa’apea pa’aga masani a le UTOS, mo le fa’atuatuaina o le tatou Fa’aputugātupe e avea ma auala e teufa’afaigaluega ai latou teugātupe.

Ua tolu tausaga talu ona feagai tatou ma faigatā ona o le fa’amai o le Koviti-19, ae peitai na fa’aau’au pea ona tu’uina atu e le aufaigaluerga le auaunaga sili ona talafeagai mo le aufaiiunite, lea ua mafua ai ona ausia se taunu’uga lelei, mo lenei tausaga fa’aletupe.

Na fa’afetaia foi e le Ofisa Sili le Komiti o Fa’atonu ua mavae atu, sa taitaifono ai le Tofā ia Asiata Afoa Kolone Vaai, mo le fa’afoeina mai o le Kamupani o Pulega i kuata muamua e tolu o le tausaga fa’alētupe lenei, ma tausaga e tele ua mavae, mo le telē o le latou sao i galuega fa’atino ma tomai fa’asoa mai, lea ua manuia ai foi ai galuega fai a le Fa’aputugātupe i lenei tausaga fa’aletupe.

Available at Le Well, Savalalo.

O le Fa’aputugātupe Teufa’afaigaluega o Mavaega Tausi a Samoa, o se Fa’aputugātupe tumaoti e pulea e le aufai’iunite ma ua tu’uina atu le fa’atuatuaga i le Kamupani tau Mavaega Tausi, e va’aia ma tausia uma ana aseta. O nei vaegātupe e teufa’afaigaluega i ni auala ese’ese e maua mai ai ni seleni fa’aaopo’opo, e pei o Tupe teu fa’avaitaimi i faletupe, nonōgatupe malupuipuia i le Malo o Samoa ma sea i totonu o kamupani tumaoti i Samoa nei ma le Pasefika.

Please Keep our Beautiful Samoa Clean. Faamolemole – aua le lafoina ni lapisi i autafa o tatou aualatetele.
O se feau tāua mai le Pulega o Tagata Tafafao Maimoa mai Fafo – STA. 

O le anava fa’aagafeso’otai, a le Fa’aputugātupe, o le manuia lea o tagata uma; ia saunia ni auala faigofie ma taugofie e teufa’afaigaluega ai seleni a so’o se tagatanu’u Samoa. Ae o lana anava fa’apisinisi, ina ia ausia ni tupe fa’asili mo ana aufai’iunite mai ana teugātupe ua maea ona ilo’ilo totoa.

Mo nisi faamatalaga e uiga i lau teugatupe teufaafaigaluega i le UTOS, faamolemole fa’afesootai mai le tatou ofisa i le +685 29916 poo o le +685 26949. E mafai foi ona imeli mai i le info@utos.ws po’o le feso’otai mai foi i luga o le tatou Facebook Page – Unit Trust of Samoa.