Faamanatu le Aso Faapitoa mo le Aufaigaluega a le Malo

0
81

Faamanatu le aso faapitoa mo tagata faigaluega a le Malo

O se taeao ese lenei taeao i le felanulanua’i o toniga a Matagaluega eseese a le Malo i luga o le alatele, ao faagasolo le savali faapitoa (parade) e faamanatu ai lo latou aso faapitoa – Public Servants Day.

Sa savalia e le aufaigaluega a le Malo, mai le ofisa Tineimu seia pa’ia le uati tele ma toe agai atu ai loa i luma o le Maota o le Malo.

O se sauniga puupuu na amatalia ai le faamoemoe, ona sosoo ai lea ma le saunoaga a le Sui Palemia le afioga ia Tuala Tevaga Ponifasio.

Saunoa Tuala, “O le aso faapitoa lenei, o se aso e faamanatu, ma manatua ai pea ma faatauaina ai le sao a tagata faigaluega  a le Malo.

“O outou o auauna, o tatou e vae ma lima iai le atunuu..”

Na faamamafa i le saunoaga a le Sui Palemia, ” O le sini autu, o le agaga tautua, o lo outou tautua ua mafai ai ona faatino galuega uma a le Malo..

“E manatua foi le tautua a i latou ua fa’i lagi le folauga ae sa tautua mo le Malo, faapea ma i latou sa tautua i le Malo i soo se vaega ae sa tautua ma afu liligi i le tautuaina o le Malo.”

O le saunoaga mulimuli le a le Sui Palemia, o se faamalosiau.

“Ia faataua lou valaauina ma le filifilia o oe, o le tagata faigaluega a le Malo,