Faa-Samoa

Faamae’a ona tufa le ta’i $700,000 mo Poloketi Atinae o Itumalo mai le Paketi o le 2024/2025

June 30, 2025

1634

O le Aso Tofi 26 Iuni 2025 sa faatautaia ai ia le Sainigalima o Maliega Tau Tupe (Signing Funding Agreement) i le va o le Malo o Samoa ma Komiti o Fono Faavae o Itumalo nei e iai;

1. Fono Faavae Itumalo Faleata 4

2. Fono Faavae Itumalo Gagaemauga 1

3. Fono Faavae Itumalo Alataua i Sisifo

4. Fono Faavae Itumalo Salega 1

5. Fono Faavae Itumalo Sagaga 3

Ua mafai ona faamatuu atu ona ua maea on iloiloina ripoti o le faaogaina o le vaega tupe lona lua (2nd tranche) ma ripoti suetusi (audit report) mo le $1,000,000 sa tuuina atu mo le tausaga faaletupe 2023-2024.

**Lynns Supermarket Motootua, Phone +685.20275**

Sa faatino fo’i suesuega i atinae sa faatino, ma le iloiloga o faavaa o atinae faaletausaga (Annual Plan & Budget –FY2024-2025) – ma pasia aloaia ai loa e le Komiti Faapitoa o Atinae Itumalo i lana fonotaga i le Aso Tofi, 26 Iuuni 2025, le faasainiga o maliega tau tupe (Signing Funding Agreement) mo le faamatu’uina o le 1 Miliona Tala Lona Tolu poo le miliona mo le 2024-2025.

E iai le $160,000 poo le 16 pasene mo le fa’agaioina o Ofisa o Fono Faavae a Itumalo ma le $540,000 e amata ai poloketi o atinae Itumalo.

E $700,000 le aofaiga atoa o le vaega tupe muamua (1st tranche) o le a faamatuuina i tusi tupe a Itumalo mo le faaauauina o poloketi mo le atinaeina o itumalo.

E toe faamatuu atu le $300,000 lea e totoe – pe afai ae maea ona faaogaina le vaega tupe ua faamatuu atu nei, ma tuuina mai ai fo’i se ripoti o le faaogaina (acquittal report) mo le iloiloga a le Komiti Faapitoa o Atinae Itumalo.