Faalauiloa Sui Tauva o le HRPP mo Siumu ma Vaa-o-Fonoti

0
565

Aso Toanai 12 Aukuso 2023, Apia Samoa. O le Aso Faraile sa faalauiloa ai sui o le vaega faaupufai e Puipuia Aia Tatau a Tagata (HRPP) mo palota laiti o loo loma nei mo le itumalo o Vaa-o-Fonoti ma le itumalo o Siumu.

Don’t miss out on Farmer’s Market at Cafe 10 location, Lotopa today.

O Tu’uu Amaramo Sialaoa lea sa avea ma Pule Sili o le Faletupe NBS, o le a tauva ma Tu’uu Anasii Leota o le FAST mo le nofoa o Siumu.

O lē sa avea ma Pule Sili o le Matagaluega o Soifua Maloloina, le fetalaiga ia Leausa Dr Take Naseri, lea o le a tauva ma Mau’u Siaosi Puepuemai mai le itumalo o Vaa-o-Fonoti.

Faalauiloa Sui o le HRPP mo Faigapalota Laiti.

Ae o le a leai se sui o le Itu Agai mo Faleata 4 lea o le a tauva ai lē sa avea ma Pule Sili o le Matagaluega o le Punaoa Faalenatura ma le Siosiomaga (MNRE) le tofa ia Ulu Pisimaka Crawley.

O Ulu o le a tauva o se Sui Tutoatasi e tauva ma Ale Vena Ale o le FAST mo le itumalo o Faleata 4.

E lua palota talu ai sa tauva ai Ulu i lalo o le fu’a a le HRPP, ae peitai ane, ua finagalo Alii ma Faipule o Puipaa ae maise nisi o tupu ma ee o afioaga o Toamua, Saina ma Safune, e tauva faa tutoatasi.

O le taitaifono a le HRPP Tuilaepa Dr Sailele Malielegaoi sa ia faailoaina mai tamalii o le a tauva mo le tagavai a le pati.

Sa faaumiumi se taimi o saunoa le Taitai o le Itu Agai i le tula’i mai o Ulu Pisimaka e tauva faa tutoatasi ma toe oo ai i tua lana folasaga i le faasologa mai o lenei mataupu, ma tā’ua ai le tofa ia Ale Vena Ale.

Check out these coffee mugs and more at Mercy Shop, Saleufi. Ph: +685.20027

Saunoa Tuilaepa, “O faigafaavae o le vaega faaupufai lenei, e faataua tu ma agaifanua a Samoa, ma amanaia le mea o loo iai finagalo o Alii ma Faipule, ae maise tupu ma ee o le Itumalo.”

O nei palota laiti ua tulai mai ina ua finagalo Sui Faipule nei e toatolu sa tamomoe ma filifilia i le faigapalota tele i lalo o le fu’a a le HRPP, e faamavae mai le pātī.

Perfect for a Father’s day gift.

E pei ona faasalalauina ma silafia e le atunuu, o Tu’uu Anasii Leota, Ale Vena Ale ma Mau’u Siaosi Puepuemai, o ni sui a le HRPP na tula’i mai i le faigapalota tele, ae peitai ane, o lea o le a tauva uma i lalo o le FAST mo faigapalota laiti o loo loma nei.

I le faatulagaina o le folasaga, sa nonofo faatasi mai Tuilaepa ma le Sui Taitaifono ia Fonotoe Nuafesili Piea Lauofo, faapea sui tauva ia Tu’uu Amaramo ma Leausa Dr Naseri.

Now available at SOS Togafuafua and Salelologa.

Saunoa Tuilaepa, e tuu le faamoemoe i luma o Le Atua, “aua o lea tatou te iloa, i tofiga uma e aumai i le Atua e ala mai lea i le musumusuga lilo a le Agaga Paia ia i latou e faia iuga – o le au palota.”

Ae toe saunoa Tuilaepa, e le o mulimuli le au palota i musumusuga a le Agaga Paia i nisi o tami.

“E iai nisi taimi e sau ai le musumusuga i le palota, ae ua le faavaea i luga o le musumusuga lilo, ae faavae i luga o mea vaivai o le soifuaga o loo tatou iai.”

Saunoa Tuilaepa, “o loo ua nofo sauni sui tauva a le HRPP e tau le taua, ina ia sisi ai pea le fua o le HRPP i Itumalo nei.”

O lenei feiloaiga i le nofoaga autu a le HRPP i Petesa na potopoto ai nisi o Sui Faipule a le pati, faapea nisi o sui o itumalo e latou te lagolagoina le vaega faaupufai.

O le tofa ia Tu’uu Amaraamo, e le fou i lenei faamoemoe, o se tasi sa tauva foi i le faigapalota tele ia Aperila 2021, ma ia ausia ai le tulaga lua, ina ua tulai mai Tu’uu Anasii Leota. E toafa sui a le HRPP na tauva uma mo Siumu i lea faigapalota.

Samoa is the Home of Taula.

O le fetalaiga ia Leausa Dr Take Naseri, 58 tausaga o lona soifua mai le afioaga o Masina, o le taimi muamua lenei ua tausinio ai i le faigapalota. Sa saunoa Leausa e faafetaia se finagalo o le vaega faaupufai e fai ai ia ma sui tauva mo lenei faigapalota laititi.

Saunoa Leausa e faafetaia le HRPP. “Ou te iloa e le na o au se tagata agavaa o le Itumalo, ae peitai ane, o lea ua iai se finagalo e avea a’u ma sui o le itumalo e tauaveina le faamoemoe aua le suega tofi e pei ona iai nei..”

E le i faatulaga mai e le Ofisa o Faigapalota le aso o le a faatino ai faigapalota laiti nei e tolu.

O le taimi nei, o loo 53 Sui Faipule a le Palemene o Samoa. E 32 FAST, 18 HRPP ma nofoa nei e tolu o le a agai atu iai le filifiliga a le atunuu.