O se turisi mai Aotearoa, poo Niu Sila, e suafa ia Lexene Jane Treadwell, ua ia manumalo nei i le TROPICAL GETAWAY. O se tasi lea o faalauiloa a le Pulega o Tagata Tafafao Maimoa Mai Fafo.
O le ua manumalo o le a nofo fua i le Taumeasina Island Resort, ae faatupe e le Pulega o Tagata Tafafalo Maimoa, ma nisi o vaega o lana tafaoga i Samoa.
E na o i latou o loo faamoemoe e malaga mai i Samoa, ae sa faatauina a latou pepa malaga i le masina o Oketopa 2023, sa agavaa e auai i le se’i mo lea faailoga sili. E silia ma le 60 i latou sa faapena ona tuuina atu o latou suafa i lenei faalauiloa, lea sa taulamua ai le Pulega o le Samoa Tourism Authority, faapea le Taumeasina Island Resort.
Na saunoa le Pule i le Vaega Faalauiloa Turisi, le Afioga ia Taimalelagi Tutuila Farao, “O taumafaiga nei o le ofisa ina ia unaia tatou turisi e faaaoga ma nofoia faletalimalo, ma faaaoga tatou faleaiga ma car rentals ma isi lava tatou auaunaga e penefiti ai o tatou tagata.”
Saunoa Tamalelagi, “O loo iai le naunautaiga e faaauau pea lea taumafaiga mo le agai i luma.”
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
