Home Faa-Samoa Faailoa le Popolega o le Alii Faipule o Safata i le Taofia o Galuega Faavaitaimi

Faailoa le Popolega o le Alii Faipule o Safata i le Taofia o Galuega Faavaitaimi

Faailoa le Popolega o le Alii Faipule o Safata i le Taofia o Galuega Faavaitaimi
7
0

I le uluai tauaofiaga o le Maota Faitulafono o le Palemene o Samoa mo le tausaga 2023, na saunoa ai le Alii Faipule o Safata e faailoa sona popolega i le taofia o galuega faavaitaimi, e pei ona faasalalauina e le Malo.

Ceces House of Fashion is located at the Toleafoa Complex in Savalalo, Apia.

O le popolega o le Sui Faipule o Safata 1, le afioga ia Lea’ana Ronnie Posini, ina nei agai ese kamupani Niu Sila ma Ausetalia e saili ni a latou tagata faigaluega mai nisi atunuu o le Pasefika e pei o Tonga, Niue, Fiti, ma isi atunuu..

Saunoa le Alii Faipule,  e agai nei ē ana galuega (employers) e faatumuina avanoa auā e tatau lava ona faatino galuega.

“E toe aapa atu tatou ua leai ni avanoa..”

Saunoa Lea’ana, “O galuega faavaitaimi nei, ua manuia ai aiga… ua fausia ai maota ma laoa.. ua fai ai lafu manu ma atinae eseese..

“Ua ta’i lua ta’i tolu taavale a aiga, ua manuia aiga, faapea foi nuu ae maise o Ekalesia… ae o le faanoanoaga, o lea ua taofia.”

Peitai i le tali mai a le Malo, e pei ona saunoa iai le Sui Palemia, le afioga ia Tuala Tevaga Ponifasio, o le vaai a le Malo, e ao ona toe iloilo ma faatulaga lelei ni aiaiga o galuega faavaitaimi.

“Ua leai se mulimulita’i i aiaiga o konakarate.. ma ua taunuu atu o tatou tagata e faaletonu mea e nonofo ai, tele tupe ua tipi ma toesea mai totogi, ae maise o le maliliu mai o nai o tatou tagata i nuu mamao…”

O le isi itu sa saunoa iai le Sui Palemia, o le tōesea lea o le malosi o nuu o loo tautuaina afioaga ma fono a matai.

I le itu tau turisi (tourism and hospitality industry) ua maitauina le toatele o nisi ua maea ona aoaoina mo ia galuega, ae ua tōesea ma malaga atu i fafo.

O nisi foi o latou ua tōesea, ua iai tomai ma agavaa faapitoa e pei o leoleo, faiaoga, ma isi lava tagata o loo faamoemoe iai galuega a le Malo, ma pisinisi tūmaoti..”

E telē naua le eseesega o totogi e maua i galuega faavaitaimi pe a faatusatusa ai i le totogi maualalo o loo iai nei Samoa, e na o le $3 tala i le itula.

Hana’s Store Ph: 23768 for more information.

E pei ona saunoa le afioga ia Tuatagaloa Joe Annandale i se tasi o fonotaga, e ono masina e galue ai le tagata i Niu Sila i galuega faavaitaimi, ae maua ai le totogi o le sefulu tausaga pe ana nofo pea i Samoa nei.

O Safata le isi itumalo o loo maua le avanoa e auai atu ai a latou aumalaga i avanoa galuega faavaitaimi, ma na saunoa le Alii Faipule e faamatala le telē o le aafiaga i le tamaoaiga e le toe maua e le mamalu o le atunuu, pe afai e taofia nei avanoa tāua.

Everyday specials at Taumeasina Island Resort. Where memories are made.

(7)

LEAVE YOUR COMMENT

Your email address will not be published. Required fields are marked *