FA’AGASOLOGA O LE TUIGA MO LE KOVITI – 19
A’o fa’aauau ai pea le tapunia atoa o le atunu’u e tusa ma le La’asaga #3, o le Poloā’iga o Fa’alavelave Fa’afuase’i, e fautuaina ai le mamalu o le atunu’u, o le a fa’agasolo nei e le Matāgaluega o le Soifua Mālōlōina le tuiga tele mo le Koviti – 19 i nofoaga fa’apitoa e 8 i le Aso Tofi, 31 Mati 2022.
O lenei tuiga e aofia ai i latou e 18 tausaga aga’i luga le mātutua o lo’o fia faia o latou tui fa’aopoopo (booster shoots), ma ia lei lalo ifo o le 3 masina talu ona mae’a faia tui e lua muamua o le Koviti – 19, o le tui mo fanau 12 – 17 tausaga le mātutua fa’apea ai ma fanauiti e 5 – 11 tausaga.
O nofoaga nei e 8 ua fa’atulagaina mo lea fa’amoemoe;
Nofoaga mo tuiga e mafai ona fa’atino mai totonu o ta’avale
- Maota lanu moana o le EPI a le Matāgalueg o le Soifua Mālōlōina fa’afesaga’i tonu ma le Faleoloa o Seb ma Rene i Moto’otua
- Falema’i (clinic) – Matagialalua
- Fale o le WHO, fa’afesagai ma le fale fa’amama toto. (Credentialing Building) Motootua
Falemai o itumalo o loo fa’atinoina ai tuiga mo le KOVITI-19
- Falemai i Lufilufi
- Falema’i i Lalomanu
- Falema’i i Poutasi
- Falema’i i Sa’anapu
- Falema’i i Leulumoega
Mo lenei fa’amoemoe, e tatalo atu ai ma le agaga maulalo i le mamalu o le atunu’u ina ia tausisia vaega tāua nei, auā lava puipuiga o si o tatou atunu’u mai le pepesi ai o lenei fa’ama’i. O ia vaega e aofia ai;
- Fa’aāoga tali fofoga i taimi uma (tagata mātutua ma fanau)
- Tauā’ao mai lou pepa tui o le Koviti – 19
- Ia mautinoa le faia o se mālū taeao / ti taeao a oe ma lau fanau e taofia ai le ono mole manava ma tupu ai se isi fa’afitauli e lē tatau ona tula’i mai
- Aumai le kopi o lou pepa fanau po’o lou tusifolau mo fa’amaumauga o le tuiga
- E mo’omia le fa’atali o oe po’o lau tama (child) i le 15 – 20 minute i nofoaga o lo’o fa’atino ai tuiga pe a mae’a ona faia lou tui
__________________________________________________________
FAASALALAUGA FAALAUAITELE – PUBLIC NOTICE
UTOS
__________________________________________________________
BSP SAMOA
(1)
