Aso Tofi 5 Oketopa 2023 Apia Samoa. O le asō na feiloa’i atu ai le afioga i le Palemia iā Fiame Naomi Mataafa i nisi o tamafanau a le atunu’u ua lauiloa ai Samoa i le lalolagi.
O le susuga ia Justin Tafa ma lona uso o Junior Tafa ua lauiloa i laua Fusu’aga Fa’apolōfesa i le Vaega o le Mixed Martial Arts (MMA) o lo’o tausiniō ai.
O Justin Tafa, 29 tausaga, e tausiniō i le vaega o le Heavyweight a le UFC – Ultimate Fighting Championship – ma ua 7 ana taaloga manumalo ae na o le 3 ana fusuaga faiaiga. E knock out uma manumalo nei e 7 a Justin poo “Bad Man” e pei ona lauiloa ai.
O Junior Tafa, poo “Juggernaut” e fusu foi i le Heavyweight ae ua 5 ana malo ma le faiaiga e tasi. O Junior le uso laititi, e 27 ona tausaga.
Sa maua le avanoa e fa’afetaia ai e le Palemia lō lā sao tāua i le fa’alauiloaina o Samoa i le lalolagi atoa, e ala i le fa’agatama o lo’o tausiniō ai.
O taimi uma lava e tausinio ai nei tama fanau a Samoa i lenei faagatama, o lo’o agiagia ai ma le tagāvai o Samoa.
E faalauiloa atu ai foi ma Samoa i so’o se vaega o le lalolagi o lo’o malaga ai, auā o ō la tuaā e mai Samoa.
O le la tamā e sau mai Satufia ma Satupaitea. Ae o le la tinā e mai le afio’aga o Mulifanua.
O loo i Samoa nei Justin ma Junior Tafa i se malaga e taumafai ai e faalauiloa le faagatama o le MMA, ma faatino se la polokalame mo tupulaga talavou i Samoa nei.
O loo malaga mai i laua ma lo la tinā ia Pouli Tafa. I se faalatanoaga ma le au fai tusitala, sa saunoa ai le tinā ia Pouli e faamalosiau i le tupulaga o Samoa, e faamamao mai fusuaga i le maketi, ae lelei le Fusu’aga Fa’apolōfesa e pei o le Mixed Martial Arts (MMA) e mafai ai ona maua seleni e tausi ai aiga ma se lumanai.
O i lā’ua nei, o lo’o fa’atulaga mai i le 50 pito i luga (Top 50) i le lalolagi atoa e ala i lea ta’aloga.
Public Notices
Job Vacancy
- Faafetaia e le Palemia Justin ma Junior Tafa mo le Faalauiloaina o Samoa i le Lalolagi - October 5, 2023
- Tōfia e le Kapeneta Fiso Dr Fiame Leo e avea ma Ofisa Sili o le SROS - September 14, 2023
- Cabinet Appoints Fiso Dr. Fiamē Leo as New CEO for the Scientific Research Organization of Samoa - September 14, 2023
