Ua maua mai faamatalaga mai Niu Sila, o se alii ua tele le faatupu faalavelave i Samoa nei, o se sui o le kegi (gang) o le Mongrel Mob i Niu Sila.
O loo tau saili e Leoleo i Samoa nei le alii o Toese Tuuga, lea fo’i sa taofia ma molia i le tausaga talu ai, i lona faapapaina o se laau malosi i Vailoa Faleata, toe mulimuli ane masalomia i le faalavelave lea na faaman’ualia ai se alii talavou i se pulu fana i Sinamoga.
Ua faailoa e le Komesina o le Matagaluega o Leoleo, le tofa ia Auapaau Logoitino Filipo, o loo sailia e leoleo le alii o Toese Tuuga, 37 tausaga mai le afioaga o Vaimoso, ona o se vevesiga na tulai mai i le vaiaso talu ai i le nofoaga e faatali ai ma faaee ai pasese i le malae vaalele i Faleolo.
Na ta’ua foi e Auapaau, “O le maitau a le Matagaluega o se alii e le usitaia le tulafono.”
Sa poloaiina foi e leoleo se tusi samania e saisai mai ai lenei alii, i lona le usitaia o poloaiga a le Faamasinoga, aemaise o faamatalaga mai Niu Sila sa iai tuuga i totonu o le Mongrel Mob.
Saunoa Auapaau, “Masalo o le tulaga lena ua faapea ai.”
O lenei alii, sa maua e leoleo i le ogatotonu o le tausaga ua tuana’i ma taofia ai. Peitai, na toe tatala i tua e talia ai le aso e tulai ai i luma o le Faamasinoga (on bail).
E tula’i mai la le faalavelave i le malae vaalele i Faleolo lea fo’i ua toe aafia mai ai, o loo i tua Tuese Tuuga, e talia ai le faasologa o mataupu a le Faamasinoga.

O loo tatalo mai le Matagaluega o Leoleo e tauala mai i le Komesina, ia vave fesootai soo se ofisa leoleo pe afai e vaaia e se isi lenei alii.
Ua lapatai mai foi le Komesina, ina ia aua nei latalata iai se isi o le atunuu. O loo maualuga le talitonuga a le Matagaluega, o loo faaaupegaina lea alii i se laau malosi – armed and dangerous.
UTOS Vacancy

- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025













