E fa itumalo ua faamanuiaina i le ta’i $150,000, ma le fitu itumalo ua faamatuu atu iai le ta’i $425,000 tala.
I le saunoaga autu a le Minisita o Tina ma Tamaitai, Nuu ma Agafesootai, le afioga ia Leota Laki Lamositele, na ia faafetaia ai itumalo ua lautogia ma o le a faamatuu atu iai seleni ua atofaina.
“Ua faamalieina le soakomiti i aiaiga sa faataoto ma folasia, ae le gata i lea o le tāua o le sosolo pea i alafua ua faataoto e le Matagaluega ma le Malo.”
O itumalo ua agavaa i le ta’i $150,000, e aofia ai:
1. Anoamaa 2 (Hon Fonotoe Nuafesili Piea Lauofo)
2. Falelatai & Samatau (Hon Lupematasila Tologata Tile)
3. Vaimauga 1 (Hon Sulamanaia Tauiliili Tuivasa)
4. Safata 1 (Hon Leaana Ronnie Posini)
Sa faailoa foi itumalo ua agavaa i le seleni tai $425,000, e aofia ai:
1. Palauli 1 (Hon Mulipola Anarosa Molioo)
2. Salega 1 (Hon Olo Afoa Fiti Vaai)
3. Vaa o Fonoti (Hon Ma’uu Siaosi Puepuemai)
4. Aleipata Itupa Lalo (Hon Fepuleai Fuimaono Titimaea Tafua)
5. Vaimauga 3 (Hon Lautimuia Uelese Vaai)
6. Anoamaa 1 (Hon Alai’asa Sepulona Moananu)
7. Gagaifomauga 2 (Hon Foisala Lilo Ioane)
Ua faailoa e le Minisita o totonu o le lima aso faigaluega o le a mafai ai ona maua tupe i totonu o tusitupe a itumalo ua lautogia.
Saunoa Leota, e toe 12 itumalo e le’i maua lava se vaega o faamanuiaga tau seleni.
“E fa itumalo i Salafai, ae valu itumalo i Upolu nei.”
