Faaauau Pea le Lagolago a le Vailima mo le Taitoafitu a Malisi

0
91

E $60,000 ua tuuina atu e le Samoa Breweries i le Marist St Josephs Sports Club e lagolagosua ai i le taamailosaga lakapi taitoafitu faavaomalo a le Malisi.

O le 32 nei o tausaga o loo faaauauina pea e le kalapu a le Malisi lenei taamilosaga faavaomalo ma e toatele alo ma fanau a Samoa sa mafai ona tofi atu mai lea taamilosaga, mo au tetele a Samoa, faapea foi ma Niu Sila.

O le Peresitene o le kalapu a le Malisi ia Faimalomatumua Mathew Lemisio sa ia taliaina lea foai.

“O lenei faiga paaga e le gata o le taamilosaga lenei ae o isi foi taamilosaga e pei o le lakapi liki, lakapi pa’i, ma fusuaga. O le taimi nei foi o loo faia faatalanoaga i nisi o taaloga o loo fia lagolagosua mai ai le Vailima e faaoga ai le Malisi Samoa ma ana taumafaiga.”

Saunoa Faimalo pau lava le tulaga faigata o mea nei o le tupe, ae i le naunautaiga lava a le kalapu o Malisi ia avea lenei taamilosaga e maua ai ni avanoa mo fanau a le atunuu e faamanuiaina ai i lenei faagatama o le lakapi.

Sa faafetaia e Faimalo le Vailima ona o le tumau pea o le latou feagaiga e lagolagoina lenei taamilosaga.

Sa faailoa e le Vailima e ala mai le latou Pule Sili ia Brent Adams, e le muta le agaaga fia lagolago o le pulega ma le aufaigaluega, aemaise le kamupani atoa, ona o lea ua 32 tausaga o lenei faiga paaga.

“This is a really good opportunity for us to share our successes as we go along with the Marist St Joseph Sports Club. We are very proud of the work and achievements of the Marist 7s tournament;

“We continue this partnership for the development of sports in Samoa.”


Maina Vai