Home Business Faaauau pea le Lagolago a le National Bank mo le Ausiisii a...

Faaauau pea le Lagolago a le National Bank mo le Ausiisii a Samoa i se meaalofa $30,000 tala

0
918

Ua amatalia lenei tausaga fou i le faaauau pea ona lagolago ma agalelei le Faletupe o Tagatanuu o Samoa, le National Bank of Samoa, mo le Ausiisii a le atunuu, Samoa Weighlifting Team.

E $30,000 tala se foai tupe na tauaao e le Pulega o le National Bank of Samoa mo le Ausiisii, i se feiloaiga puupuu sa faia i le Ofisa Autu a le Faletupe i Apia, i le taeao o le Aso Faraile 31 Ianuari 2025.

O se foai e le’i faatauvaa i le silasila a le Pulega o le Ausiisii a Samoa e pei ona saunoa iai le afioga ia Tuaopepe Asiata Jerry Wallwork.

nbs – making dreams possible..

Saunoa Tuaopepe, “O le taeao nei ma le tatou fesāga’iga i lo outou agalelei lea ua faaalia i lenei seleni tolusefulu afe ua outou foai..”

“E le laititi, e le faatauvaa ia i matou, aisea? ua uma atu lena tausaga 2024 e le tasi ae ua lasi ona outou foai ma lagolago le au a le atunuu, peitai, o lea foi ua amata lenei tausaga 2025, o loo faauau pea ona outou lagolago le NBS Samoa Weightlifting team..”

“E momoli atu ai le agaga faafetai, faafetai tele i le Pulega o le tatou Faletupe National Bank of Samoa, mo le lagolago e ala i lenei seleni e pei ona iai le taeao nei.”

O le Aso 15 Fepuari o le tausaga nei o le a tatala aloia ai le nofoaga ua faaigoaina, Oceania Weighlifting Institute & Academy, o se tasi lenei o matati’a ua mafai ona faatuina i totonu o Samoa e mafua mai le maualuga o tausinioga na oo iai le taumafai ma le faatinoga a le ausiisii a Samoa.

O le ma’ea ai ona tatala aloia lenei faamoemoe, ona talimalo lea o le Asosi Ausiisii Samoa i se aoaoga tele mo faiaoga ausiisii mai atunuu e 22 o le Ocenia o le a auai ai.

E sosoo ai aoaoga mo laufali (referees), ma le camp mo ausiisii e faamoemoe mo tapenaga o le Commonwealth Games, faapea tauvaga o le Ocenia, ma le tauvaga Pacific Games ma le Mini Games.

O taamilosaga uma na o le a tauva ai le ausiisii a le atunuu.

Na momoli le faamalo ma le agaaga o le faafetai a Tuaopepe i le Malo ma nisi foi o pa’aga o loo lagolago atu ma tuuina atu lo latou tauau faatasi ma le sponsper autu a le National Bank of Samoa.

Sa faafetaia le agalelei ua mafai ai pea ona fesoasoani i taumafaiga ma polokalame faatino a le Samoa Weighliting Team.

Consider National Bank of Samoa as Your Next Career Destination:

LEAVE A REPLY

Please enter your comment!
Please enter your name here