Faaali se manatu o se matai ina ua faate’a e lo latou nuu

"Faimai ua ou tautalaititi.."

0
7983

“Na ou fesiligia le faagasologa o le matou poloketi miliona ae faate’a ai au ma le nuu.”

O le mau lea a se tasi matai, le fetalaiga ia Autagavaia Upu, 50 tausaga mai le afioaga o Vaitoomuli.

O ia saunoa i se feiloaiga ma tusitala, “O la’u aia tatau ona o a’u o le tagata palota i le matou itumalo na ou fesiligia ai le faasologa o le matou poloketi, ae ua avea ma mafuaaga ua faate’a ai a’u ma le matou nuu,”

“Faimai ua ou tautalaititi..”

O se finagalo lea o Autagavaia.

O lana mau, sa fia malamalama ona sa mafuli finagalo o le latou nuu, “e momoli i le feiloaiga a le itumalo, e fausia se fale mo le ofisa fono faavae a le matou itumalo o Palauli, peitai, ua faailoa e le Faipule le afioga ia Lagaaia Tiaituau Tufuga, e leai se fale fausia mo se ofisa o le fono faavae mo le itumalo o Palauli ae o le a ofo fua mai le isi ona maota mo le faatinoga o le ofisa a le Fono Faavae a Palauli.

O le mau a Autagavaia, “O nai masina mulimuli ane ou tapā se faamaumauga o lea foai.

O le mau a Autagavaia, e tatau ona faapepa le foai.

“Sa ou tapa foi sa’u Tala o le Tupe Faaalu peitai o le tali na tuuina mai, e le mafai ona e faasa ona ave i tua faamaumauga o le Tala i le Tupe.”

“E le’i i malolo la’u finau, peitai, na faateia a’u ina ua faailoa mai le finagalo a le pule mamalu o le matou nuu, ua autasi le finagalo a lo matou nuu, e faate’a a’u ma le nuu.

“Ua faasa au ona toe solia le eleele.”

Sa ou manatu ua sese le faaiuga a le matou nuu ona e le o se agasala matuia, ae o lea ua mafai ona fai le faaiuga ia te au.

“E le o iai sa’u agasala o le fasioti tagata pe soli tofaga foi ua mafua ai lea faaiuga faapea..”

Sa ou sulufai i le faamasinoga o Fanua ma Suafa ma aumai ai loa le aso matou te soalaupule ai.

O le masina talu ai na aumai ai le faaiuga a le Faamasinoga o Fanua ma Suafa, matou te toe foi i le matou nuu o Vaitoomuli – o le matou faasinomaga sa tautua ma feola ifo ai.

Sa saili atu se avanoa mo le Tofi Faipule a le itumalo mo sona finagalo, peitai, e le’i  manuia.

PUBLIC NOTICES