Fa Tausaga i le Falepuipui mo le Faiaiga Faamalosi i se Teineitiiti 15 Tausaga e iai Manaoga Faapitoa

0
839
Image: UNICEF Awareness image to combat violence against girls.

Ua faasala i le falepuipui se tama 40 tausaga ina ua faamaonia moliaga o le fai’aiga faifa’amalosi i se teineitiiti 15 tausaga e iai ona manaoga faapitoa.

O le ua falepuiupi nei e iai lona sootaga faaleaiga ma le teineitiiti na aafia. E tulai mai foi lenei mataupu i le Faamasinoga i le vaiaso tonu o le 16 Aso e Tetee atu ai sauaga i totonu o aiga (16 Days of Activism).

E fa tausaga ma le ono masina ua faasala ai lea akii⁶

I faamaumauga a le itu a leoleo na faailoa i luma o le Faamasinoga, o le teineitiiti 15 tausaga sa faamalu i se vai taele a le latou lava afioaga i se tasi o afiafi.

Peitai sa maea galuega i le maumaga, ona ui mai lea o lē na ia faia le solitulafono i le mea o loo iai le vai taele. Sa ia tau mai o loo taele ai le na aafia, ma ia faatino ai loa gaioiga fai faamalosi.

Na faailoa foi e le itu a leoleo, e valu masina talu ona maea ona tupu le faalavelave, ae faatoa lipotia atu le mataupu i le Ofisa o Leoleo.

O se itu na faaalia ai le faanoanoa tele a le Faamasinoga, o le toe tulai mai pea o nei faafitauli, ae o loo iai le tatou atunuu i le polokalame o loo taulamaua ai le Toomaga mo e Puapuagatia, o le 16 Aso o le Tetee Atu i Sauaga e Faasaga i Tina ma Fanau.

Na ioeina e lea tamā le soligatulafono i luma o le Faamasinoga, ma o se itu lelei lea pe a tuuina mai le faasalaga.