Faʻamatalaga lautele ma le Gataifale ogaoga o le tau Faʻamatalaga sefulu (C10) mo Samoa

FA’AMATALAGA O UIGA LOULOUĀ OLE TAU NUMERA SEFULU (C10) MO LAUFANUA MA GATAIFALE O SAMOA.

FA’AMAUINA E LE OFISA O LE VA’AI-TAU I LE ITULA E 5:00 I LE AFIAFI NEI ASO LULU 16 TESEMA 2020

FA’AMALOSIA: LAPATA’IGA O SAVILI MALOLOSI.
FA’AMALOSIA: LAPATA’IGA O TIMUGA MAMAFA.
FA’AMALOSIA: LAPATA’IGA MO OGASAMI.
FA’AMALOSIA: LAPATA’IGA O LOLOGA
FA’AMALOSIA: FAUTUAGA O LOLOGA I NOFOAGA TŪ MATAFAGA
FA’AMALOSIA: FAUTUAGA O GALU FAFATI MAUALULUGA.

O le Matagi AFĀ Vaega 2 o SĀSŪ sa iai lea i Saute o Atu-motu o Niue i le aoauli nei ma o lo’o tumau pea ona aga’i i lona auala sa fuafuaina i Saute i Sasa’e i le saosaoa e 33kilomita i le itula. E ono fa’asoloina fa’aiti’itia lona malosiaga i totonu o le isi 24-48 itula.

Ae peita’i, o se vaega fa’atupula’ia o fetaia’iga o savili ma timuga o lo’o iai pea i luga o Samoa, ma e feso’ota’i atu i le Matagi AFĀ O SĀSŪ. O le ā tumau pea ona a’afia ai le Atunu’u i timuga mamafa i nisi o taimi fa’apea savili e malolosi le fa’ata’uta’u, o āūma ma galu fafati maualuluga, e tatafe vaitafe, o lologa ma ele’ele solo i nofoaga e a’afia gofie i le po nei. Ona o ia tulaga, o lo’o fa’amalosia ai pea lapata’iga ma fautuaga uma ona o uīga loulouā o le tau o lo’o a’afia ai nei Samoa.

A’afiaga mo le Atunu’u:

E mamafa timuga ma e puaoa, e fa’ata’uta’u savili i timuga, e mase’ese’e ma puaoa auala i nofoaga maualuluga, ma e lolovaia nofoaga i tafatafāala. E matuā sousou le sami ma fafati maualuluga galu. E tatafe vaitafe ma e iai eleele solo i nofoaga e a’afia-gofie.

(O le isi fa’amatalaga o uīga loulouā o le tau ole‘ā tu’uina atu i le itula e 5:00 i le vaveao a taeao.)

(1)