O le amataga o lenei vaiaso na tulai ai ni alii talavou e toatolu, mai le afioaga o Leone, i luma o le Afioga Fepuleai Ameperosa Roma o le Faamasinoga Maualuga, e tali i moliaga o le faamalosia lea o se tamaitai e 27 tausaga.
I faamaumauga a le itu a Leoleo, o i latou o loo molia e i le va o le 18 agai i le 24 tausaga, ma o loo tuuaia i le faamalosia lea o se tamaitai i le masina talu ai. Sa taofia i latou ina ua sulufai atu le na aafia ma lona aiga i le Ofisa o Leoleo.
E le’i tuuina mai sa latou tali e tusa ma moliaga e pei ona molia ai, ae na fesiligia e le Faamasino i latou o loo molia pe mananao e saili sa latou loia, ona o moliaga o loo molia ai i latou, e mafai ona nofo sala ai i ile falepuipui mo le olaga atoa pe afai e faamaonia moliaga.
Ua tuuina atu le avanoa e le Faamasinoga e saili ai sa latou loia ae o le a toe tulai i luma o le Faamasinoga i le Aso 20 Novema. E tatau ona oo atu i lea aso, ua maua se loia e tulai mo i latou.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
