“E Toatele Fanau Aafia i Sauaga o le Tino Faapea ma le Mafaufau”

0
133

 

“O le maitau mai le matou pito laau mai le Faamasinoga, e toatele fanau ua aafia a latou aia tatau ona o sauaga o le tino faapea le mafaufau.” O le saunoaga lea a le Afioga ia Vui Clarence Nelson, o se sui o le Komiti o Malo Aufaatasi mo le Feagaiga o Aia Tatau a Fanau o le Lalolagi.

Saunoa Vui, “O le matou maitau o loo faatuputupulaia pea sauaga mataga o loo aafia ai fanau, ma o le fesili tele lava, poo afea e uma ai nei faiga mataga ma le le alofa?”

“O le upu moni, afai e leai se faamuta, o le a aafia le lumanai a le tatou atunuu, ona o fanau o loo faamoemoe iai le lumanai. O fanau o le oloa teu faagaga o le lumanai.”

O le amataga o lenei vaiaso na talimalo ai Samoa i le fonotaga Malo aufaatasi e soalaupule ma toe faamalosia auala e puipuia ai aia tatau o le fanau.

Photo: SGN

E tolu aso na faagasolo ai lea fonotaga i le Taumeasina Island Resort. E 13 atunuu na auai mai ai, ae na tapunia i le aso ananafi.

O Samoa na sainia lea feagaiga i e tausaga 1994, ma ua 29 nei o tausaga talu ona avea Samoa ma sui o lenei feagaiga.