E silia ma le $200k le aofai se seleni o loo tuuaia na aveesea e nisi sa avea ma tagata faigaluega o le Tradepac Company Limited.
O le amataga o lenei vaiaso na tulai ai i luma o le Faamasinoga Mauala ni tamaitai e toatolu ma se alii e toatasi e tali atu i moliaga o le gaoi ao fai ma tagata faigaluega (theft as a servant).
I faamaumauga a le itu a leoleo, o le aso muamua o Ianuari agai le aso muamua o Mati 2021 sa latou faatino ai le soligatulafono, e ala i le aveesea mai lea o tupe mai le vaega sa iai tupe a le kamupani.
E esese aso sa latou aveesea ai seleni.
E lei tuuina mai sa latou tali e tusa ma le moliaga a le itu a leoleo.
O lea alii loia ia Tufuga Fagaloa Tufuga o loo tulai mo le toatolu o i latoi. Ae mo le toatasi o tamaitai, ua tuuina iai le avanoa e saili sana loia.
Ua faatulaga e le Afioga Fepuleai Ameperosa Roma le Aso 16 o le masina nei e toe tulai ai i latou nei i luma o le Faamasinoga e tuuina atu ai sa latou tali.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
