E ono tapunia le tumau aoga i Samoa pe afai e tumau pea le toatele o le fanau e aafia i le fulu.
O se finagalo lea o le Minisita o aoga ia Hon Seuula Ioane Tuuau ina a ua fesiligia sona finagalo i le tulaga pepesi o le faama’i o le flu o loo iai nei.
Saunoa Seuula, o le lua vaiaso o loo tuua ai aoga, o loo mata’itu lelei e le Matagaluega o Aoga le gasologa o le faama’i o loo pepesi nei ae maise o le toatele o fanau iti o loo auina atu i le falema’i faaitumalo, o falema’i tumaoti faapea le falema’i tele i Motootua.”
Saunoa foi le minisita, “O loo faalagolago le Matagaluega i ripoti mai le Soifua Maloloina, ma o le a feiloai ma faia se fonotaga ma le soifua maloloina ao lei faia se faaiuga.
“Afai o le a matauina pea le faatupula’ia o le aafia o fanau, ma leai se tulaga lelei o le foia, o le a tuuina atu loa se faasalalauga e fa’aauau ai pea ona tuua aoga.”
O le vaiaso lona lua lenei o tuuaga o aoga a le Malo ma le faamoemoe e toe a’e uma aoga i le vaiaso fou.
- Public Notice: Job Opportunities with Samoa Ports Authority - October 25, 2023
- Important Notice - October 19, 2023
- Request for Quotation - October 19, 2023
