E ono lē toe mafai ona toe faaui i tua tagi tau sauaga i totonu o aiga.
O le saunoaga lea a le afioga i le Komesina o Leoleo Falepuipui ma le Ola Toe Fuataina, Auapaau Logoitino Filipo.
Saunoa Auapaau, o le galuega soosoo tauau a le Matagaluega o Leoleo i le vaega o Suaga Totonu o Aiga – Domestic Violence Unit, o Faamasinoga, Toomaga mo e Puapuagatia, faapea le galulue faipa’aga ma leoleo o le malo a Ausetalia, ua tapena ai se faavae fou (new policy) mo le tali atu i sauaga faalotoifale i totonu o aiga.
“Saunoa Auapaau, ua maitauina e le Matagaluega le faatuputupulaia o le faafitauli o le faaulu mai o tagi e faasaga i sauaga ae lua pe tolu aso pe vaiaso foi, ua toe talosaga e toe faaui i tua, ae mulimuli ane toe faatino foi sauaga.”
O le itu lea ua agai ai lea fuafuaga e taofia mai ai le toe faaui i tua o tagi mo sauaga ao se itu e foia ai foi sauaga i totonu o aiga.
O le Komesina Lagolago a le Matagaluega ia Papalii Efo Moalele, o ia lea sa taulamua i le fausia o lea faavae fou e taiala ai galuega Malu o le Malo e tali atu ai i sauaga faalotoifale o loo tulai mai i totonu o aiga o loo sauaina ai tinā ma fanau.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
