E lei iai ni moliaga faasaga i le tina lea sa faafoi mai Meleisia

0
248

27 Setema, 2019, Apia Samoa.  E leai se malosiaga e mafai ai ona faasala i Samoa nei le tamaitai lea na masalomia sa lafoai lana pepe i se fale le taua i Kuala Lumpur, Meleisia.

O le saunoaga lea a le alii Komesina o Leoleo i le taeao nei i le au tusitala ma le au faasalalau ina ua maea le sauniga aloaia o le aso faamanatu mo Alii Malu o le Malo.

Na faailoa e le alii komesina Afioga Su’a Fuiavailiili Egon Keil e faapea e lē o iai se tagi o faatoai atu e tusa ai o lea mataupu. A faapea e iai se tagi o le a tilotilo iai le matagaluega o leoleo, peitai afai e solitulafono se tasi i fafo atu o Samoa e leai se malosiaga e tatau ai ona faasala i totonu o lo tatou atunuu lea tagata.

Na fesiligia foi le alii komesina pe lē o gatusa lea foi solitulafono ma le tulaga o loo iai le alii o Tala Pauga, lea e tau aumai i Samoa nei (extradite).

Na tali mai Commissioner Keil e le tutusa, ona o le solitulafono o loo masalomia ai Tala Pauga o loo iai lona sootaga mai i Samoa nei ona o loo aafia ai le tagata i inei, ona o le solitulafono lea.

O le tamaitai e faigaluega i le Matagaluega o Soifua Maloloina na malaga atu i ni aoaoga e faatautaia i Meleisia. Sa molia lea tamaitai i Meleisia ina ua maea suesuega a leoleo ma tuuaina ai loa e faapea sa ia solia le tulafono faatatau i le lafoaiina o se pepe.

Ae peitai sa taua e le Malo o Samoa, o se maliega na faia i le va o Malo sa tatala mai ai lenei tamaitai i tua ma lā malaga mai ai loa i Samoa nei ma le Susuga i le Komesina o Samoa I Ausetalia, o Hinauri Petana.

Na taua e le alii komesina e leai sona malamalamaaga iai i lea itu. Na te lei faia foi ni maliega e pei ona taua. O loo galue lava o ia i lona pausisi o loo iai nei, ua na o le matagaluega lava o leoleo e fitoitonu iai.


Maina Vai

Maina Vai of Fasitoouta is a mother of five. Maina has recently graduated with a Certificate of Customary Adjudication from the National University of Samoa.
Maina Vai