“E leai se Fesoasoani o ia Tulafono e lua i le 2020 i le Fa’aleleia o Galuega a le Fa’amasinoga o Fanua ma Suafa”

0
5788

SAUNOAGA A LE AFIOGA I LE PERESETENE FOU O LE FA’AMASINOGA O FANUA MA SUAFA A SAMOA – LESĀTELE RAPI VA’AI

Aso Lulu, 02 Novema 2022

Lau susuga i le Ta’ita’i o le Sauniga, fa’afetai tele mo le ‘upu folafola mai le Afioga Pāia a Le Atua, ua tomatauina ai le fa’amoemoe o lenei taeao, agalelei le Ali’i i lou soifua tautua i tiute ma faiva o feagai ai.

Lau Afioga i le Ao Mamalu o le Mālō, fa’afetai i lau afioga mo le fa’afoeina o la’u tautoga. Momoli atu le fa’afetai i le Masiofo, i lau fo’i pitolā’au e fesoasoani ai e fa’amalosi’au i Lana Afioga i le fa’atinoina o ona tiute.

Ia alofagia e le Atua lou se’ei mai i le tofi, o le Tamā o le atunu’u mo le isi lima tausaga.

Skechers have arrived at SSAB.

Lau afioga i le Palemia, fa’afetai i lau afioga ma le ‘āiga Kapeneta i la outou fa’atuatuaga ua outou tusi ‘ā’ao ai i lo’u nei tagata, e tau’aveina le tofi Peresetene.

E lē māmā i lo’u nei tagata le tofiga. E leai se tagata e atoatoa e fa’amoemoe i le fesoasoani mai o le Agaga Pāia, e fa’atupu manatu ma musumusu mai mafua’aga lelei ma le amiotonu e soālaupule ai ni fa’ai’uga tonu ma le sa’o. Fa’afetai tele i lau afioga i le Palemia ma le Kapeneta.

 

E ao lava iā te a’u ona ou ofoina se fa’afetai mo le sa tula’i mai i le tofi Peresetene, le afioga iā Fepulea’i Attila, e le’o po se lilo ua e si’i i luga le lelei o le fa’atinoina ma le fa’agasoloina o galuega a le Fa’amasinoga o Fanua ma Suafa. Ae fa’apea fo’i ona si’itia le tomai o ali’i ma tama’ita’i filifilia i tofi Fa’amasino.

E te le’i matamuli e tu’ufesili mai i e sa mua i malae, o au galuega lelei uma sa fa’atino o le a fa’aauau ona fai, ae o le a taumafai fo’i e fa’aleleia atili nisi mea e tatau ona fa’aleleia.

JBL Quantum 800 Headset is back!

Ia fa’amanuia le Atua i lau afioga, faletua ma le ‘āiga.

E tatau fo’i ona avatu sa’u fa’afetai i lo’u ‘āiga i le tinā ma le fanau.

O le tausaga e 1996 na sainia ai e le Ao o le Mālō, Susuga i le Malietoa Tanumafili II, la’u warrant mo le Fa’amasinoga Mauāluga, a’o le vaitaimi lea o lo’o ma to’alua ma le afioga iā Tagaloa Enoka Puni i le Fa’amasinoga Fa’aitumālō.

Na ala ona fai la’u Supreme Court Warrant ina ia ou fesoasoani i le afioga i le Fa’amasino Sili iā Pātū Tiāva’asu’e Falefatu Sapolu i le fa’afoeina o Fa’amasinoga Apili, i le Fa’amasinoga o Fanua ma Suafa.

Ou te lē mā fo’i e ta’u atu, e tigā ona i ai la’u warrant i le Fa’amasinoga Mauāluga ae totogi lava a’u i totogi o le Fa’amasino o le Fa’amasinoga Fa’aitumālō.

Ua silia ma le 20 tausaga sa ou fa’atinoa ai galuega fa’a – Peresetene, na ou mālōlō i le tausaga e 2017, ma ou aga’i ai i Nauru.

Mark your calendar and don’t miss out on the action!

O le mau a le to’atele o tagata Samoa, o le Fa’amasinoga o Fanua ma Suafa, o le fa’amasinoga lea e pito sili ona tāua i tagata Samoa.
Ona o le Fa’amasinoga o Fanua ma Suafa e iloilo ai measina a ‘āiga ma afio’aga.

O le mau fo’i lea na saunoa i ai se tasi o Palemia i lenā vaitaimi, le afioga iā Tamasese Lealofi, e fa’apea o fa’ai’uga a le Fa’amasinoga o Fanua ma Suafa e a’afia ai e o lo’o soifua nei, ma isi e le’i fananau mai.

Beautiful is Back!

Afai la e sili ona tāua le Fa’amasinoga o Fanua ma Suafa, e tatau fo’i ona ‘ave i ai le fa’amuamua.

O le 1981 na pāsia ai le Tulafono o Fanua ma Suafa. Ae tuana’i le 39 tausaga ae fa’atoā toe tagofia e le Fa’amasinoga o Fanua ma Suafa ina ua pāsia le Tulafono o Fa’amasinoga o Fanua ma Suafa 2020 fa’atasi ai ma le Teuteuga o le Fa’avae 2020.

Ua outou silafia ma outou iloa, e le’o se fa’atāua le mea na fai, ae ua o ni Tulafono ua ogaoga le fa’atupu vevesi ma le lē fa’atinoina o galuega o Fa’amasinoga o Fanua ma Suafa ma lē fa’atinoina ai ma le tautua sa tatau ona avatu ma maua e le mamalu o le atunu’u.

We are ready to welcome you to Taumeasina Island Resort.

Ou te lē fia tepa i tua i fītā ma le vevesi sa tula’i mai, ae o le mea manino, e leai ma se fesoasoani o ia Tulafono e lua i le 2020 i le fa’aleleia o galuega a le Fa’amasinoga o Fanau ma Suafa.

Na pau fo’i lea o le Tulafono ua ou iloa na saini uma ai Fa’amasino i se tusi e fa’ailoa atu ai lo latou lē fiafia i a’afiaga o le Tulafono ma le Tuto’atasi o le Fa’amasinoga.

O se fa’a’upuga fa’afaigofie fa’aperetania: They were ill conceived and badly drafted.”

Ae fa’afetai i lau afioga i le Tama’ita’i Palemia, ma le Kapeneta i la outou pitolā’au o lo’o taumafai nei, mo le toe teuteuina o nei Tulafono.

O le vevesi ma fe’ese’eseā’iga o fa’afitauli o le soifuaga nei, e feagai ma Fa’amasino i aso uma o le galuega. Ua lava tapena fo’i Fa’amasino e tali atu ma fesoasoani atu i le soālaupuleina o vevesi ma misa.

O vevesi e feagai ma le Fa’amasino i le asō, e fa’aaupega atiliina ai le Fa’amasino e tali atu i lu’itau o le a tutupu mai taeao.

E masani fo’i le itu o le Fa’amasinoga e malolo i fa’ai’uga a le Fa’amasinoga ona tu’uā’ia ali’i ma tama’ita’i Fa’amasino i le fa’aauau ma le lē amiotonu o faigā filifiliga e pei ona molimauina lata mai nei, na o’o lava i Ta’ita’i o le Mālō ma i latou sa fa’aaloalo i ai le atunu’u ua lafo tu’uā’iga mātuiā ma le lē migao i le Fa’amasinoga ae sa fai gūgū lava galuega ma fa’atino tiute a le Fa’amasinoga.

Lau afioga i le tama’ita’i Minisitā o le Matāgaluega o Fa’amasinoga, e tele galuega e mana’omia ina ia lelei le tautuaina o tagata e sulu mai i le Fa’amasinoga.

O le a tapena e le Komisi o Galuega a le Fa’amasinoga ni fautuaga e ui atu i le Resitala o Fa’amasinoga, i le agaga autū o le fia fa’aleleia atili o le tautua a le Fa’amasinoga.

O le popolega lenā i le taimi nei, ina ne’i inu e le sa tusia le Tulafono o le 2020 le fagupia se’i tulou, ae onanā ai Fa’amasino o le Fa’amasinoga o Fanua ma Suafa, o le popolega atili fo’i la, o lo’o tifatifa nei se’i tulou Fa’amasino o le Fa’amasinoga o Fanua ma Suafa ua lē mautonu, lea fo’i la ou te popole, te’i fo’i ua ou alu atu ma a’u ia o’u tifatifa atu ai ma a’u.

Ia manūteleina le potopotoga i le asō

Soifua ma ia manuia