E 8.3% le tului (dividend) mo le aufaisaofaga mo lenei tausaga faaletupe e pei ona faasalalauina e le SNPF.
I se pepa o faamatalaga ua tuuina mai, faapea le saunoaga a le Afioga le Minisita o Tupe, Mulipola Anarosa Molioo, o lea tului o le a lē toe tufaina i tua mo le aufaisaofaga e pei ona masani ai.
“E leai ni tupe tuu sa’oina atu i sui fai saofaga…”
“O le faanaunautaiga o le komiti faatonu ae maise le pulega ia faaauau pea ona teu malu lenei tupe a le aufaisaofaga aua se lumanai manuia..”
“O le a mafai ona maua e sui lenei faamanuiaga e ala atu i nonogatupe masani, amata mai le Aso 1 Iulai 2023..”
Saunoa le afioga le Minisita, o lenei 8.3% e aofia ai ma le 2% sa tufaina ia Ianuari o le tausaga nei (interim dividend).
O le paleni e 6.3% – o lea o le a tuu atu i teutagetupe a sui faisaofaga.
“O le a tuuina sao lava i totonu o teugatupe a sui faisaofaga i le aso lenei, 30 Iuni 2023.”
O le 6.3% o le tului lea laa tuuina atu i teutagatupe a sui faisaofaga, e tusa ma le $55 miliona tala.
Ua toatele le mamalu o le atunuu ua le taofiofi le faaalia o le le fiafia i le faasalalauga.
“Matuai leiloa a lē sootaga o le saunoaga a le Minisita i le tulaga o le pagatia o loo iai le atunuu ma le leai o se cash payout.. o lea e need some cash makou e lē o need gi loan, o lea e faulalai loan!”
“Pau a le mea e seu ai o le tou pule fua i tupe a tagata, aumai matou tupe o lea e plan atu iai le Father’s Day.”
Faasalalauga
