E iai taimi e sii ai le sua o le tai, e ese mai lona tulaga masani

"O le isi tolu aso, o le a faatuputupula'ia pea."

0
338

E iai lava taimi, e faatasi i le masina e sii ai pe maualuga ai le sua o le tai, e ese mai le tulaga e pei ona masani ai.

O le saunoa lea a le Ofisa Sili o le Vaaitau le susuga iā Afaese Dr Luteru Tauvale.

O loo iai pea Samoa le vaitau o timuga mamafa, ma o ia timuga e faigofie ona tutupu ai lologa, ma siitia maualuga ai le sua o le tai.

O le vaai a le Ofisa, ua matauina le siisii o le aouma poo le fafati o galu ma ua momoli mai ai lapata’iga mo le saogalemu o le mamalu o le atunuu.

Saunoa le Pule Sili, “O le isi tolu aso, o le a faatuputupula’ia pea.”

Na taua foi e Afaese, o le natura lava o le sami e iai taimi, pe faatolu i le masina e va’aia ai le tulaga e pei ona molimauina i le vaveao o le Aso Gafua, sa sii maualuga ai sami, ae e iai foi taimi e matua pe eleele ai ma papa’u le sami, ma aliali ai ma va’aia amu.

O le taeao o le Aso Gafua na molimauina ai le maualuga o le sua mai o le sami ma le malosi o le fafati mai o galu ma oo mai ai i luga o le alatele ma aafia ai nisi o afioaga e pei o Solosolo ma Luatuanuu.

O loo pa’ulia pea se tasi o vaa fagota i tafatafa ane o le uafu i Matautu.

Ae sa agai ese isi vaa fagota ma vaa lau oloa faapea ma le Nafanua 3, mo le saogalemu.

Ae o loo pa’ulia pea i luga o maa o le apitagalu se vaa fagota o le Fu Yo Yu No8 i Matautu.

E ui ina molimauina nei va’aiga i suiga malolosi o le tau, peitai, na saunoa Dr Luteru; e lē o iai se matagi poo se afā i le taimi nei e ono aafia ai le atunuu.

O le Facebook a le Matagaluega o le Vaaitau (Samoa Meteorological Service) e maua ai le tala o le tau i taeao taitasi.

Faasalalauga Tāua

Avanoa Faigaluega

Avanoa Faigaluega

Avanoa Faigaluega
Job Opportunities
Job Opportunities