E 2 Van o le a Faatino ai Auaunaga Feaveai a le National Bank mo Samoa

"O le sini autu o le Komiti Faatonu, ina ia oo atu le auaunaga i nuu ma afioaga uma o Samoa."

0
596
Lua van o le a faatino ai le Faletupe Feaveai a le National Bank o Samoa. Ata Pueina: Rodney Tafeaga.

Ua amata le tausaga 2024 i se faalauiloa a le Faletupe o Samoa le National Bank, o se auaunaga feaveai (mobile banking).

O le Komiti Faatonu ma le Pulega a le NBS i le faapaiaina o taavale o le a faatino ai le auaunaga feaveai.

O le Aso Faraile 05 Ianuari sa auai ai le komiti faatonu ma le pulega o le NBS i se sauniga lotu e faapaia ai van e lua o le a faatino ai lenei auaunaga fou mo Samoa.

I se pepa o faamatalaga na tuuina mai e le faletupe, o loo faatāua ai e le National Bank le auaunaga mo tagatanuu Samoa o loo alala ma papaaao i nuu i tua.

“We understand that not everyone can travel to a bank branch; hence, we are bringing the bank ot you.”

“Matou te malamalama e lē mafai e tagata uma ona femālāga’i mai i nofoaga tu taulaga, o lea o lē a avatu ai i tua le auaunaga ia te oe.”

National Bank of Samoa team at the launch of new mobile vans, Fri 05 Jan 2024. Ata Pueina: Rodney Tafeaga, SGN.

O nei van e lua ua tapenaina i ona itu uma tau faatekonolosi (latest in digital banking services) auā le auaunaga mo le atunuu.

O le faamoemoe maualuga a le NBS, ina ia aofia uma Samoa atoa i le auaunaga tau faletupe (financial inclusion).

“O le sini autu o le Komiti Faatonu, ina ia oo atu le auaunaga i nuu ma afioaga uma o Samoa.”

ACC CEO Muliagatele Makerita Matafeo with NBS Head of Retail Banking Antonia Schwalger-Potoi.

E le o iai se isi faletupe o loo latou faatinoina lenei auaunaga, o le ala lea e talitonu ai le NBS o le a tēlē se aoga o lenei auauanaga mo Samoa.

O lenei tapenaga, o se tali atu lea i manaoga o le atunuu, ina ia faafaigofie ona maua avanoa mo auaunaga tau faletupe. E le gata o le teuina ma le talaina o tupe, ae maise le auaunaga mo noagatupe.

Mo nisi fa’amatalaga fesootai mai le NBS i le numera +685.26766 poo le Pule o le Retail Banking: Antonia Schwalger-Potoi, Email: aspotoi@nbsamoa.com. Telefoni: +685.7773113

Visit our Rimani Samoa store at Savalalo and Follow us on Facebook today!