Home Faa-Samoa E 10 Talosaga ua Tuuina atu i le NEOC mai Nisi ua...

E 10 Talosaga ua Tuuina atu i le NEOC mai Nisi ua A’afia ona o le Motusia o le Eletise

0
123

Ua atoa nei le 23 o aso talu ona fa’amamaluina le Poloā’iga mo Fa’alavelave Fa’afuase’i mo Samoa, auā galuega fesoasoani i a’afiaga ogaoga o le ‘eletise ua i ai nei.

Ma o lo’o galulue pea le Ofisa Tutotonu o Faalavelave Faafuasei ma le Matuiā (NEOC) ma auaunaga a le Mālō fa’apea Pisinisi Tumā’oti e fesoasoani i galuega fa’aleleia mo lenei fa’afitauli ua tula’i mai.

O le aotelega lenei o nisi o galuega autū, ua mae’a fa’ata’oto ma o lo’o fa’atinoina:

Ua maea fa’apipiiina afi ‘eletise e lima ma ua ola uma ma o lo’o fesoasoani i le ‘eletise fa’asoasoa mo le atunu’u.

E o’o mai i le Aso Faraile, 18 Aperila 2025, ua taulimaina e le N.E.O.C. talosaga e 10 e tusa o pepa fa’atumu ua fa’alauiloaina atu.

I lea aofa’i e lima talosaga mai Pisinisi ma le isi lima o talosaga mai ‘āiga ta’ito’atasi.

I le lagolagosua a le Komiti Faufautua mo Fa’alavelave Tutupu Fa’afuase’i ma le Matuiā [Disaster Advisory Committee – D.A.C.] ma ana pa’aga.

Ua galulue ai nei le N.E.O.C. e iloilo toto’a talosaga uma ua tu’uina atu fa’atasi ai ma le fa’amaoniga o fa’amaumauga ua fa’apipi’iina atu e lagolago a’i le talosaga.

O lo’o iai lava le talitonuga o le ā iai pea nisi talosaga e tu’uina atu i le lumana’i e tauala mai i auaunaga ‘ese’ese o lo’o galulue fa’atasi ma le N.E.O.C.

Ma e fa’agata uma nei talosaga mo pepa
fa’atumu ua fa’alauiloa atu i le Aso Faraile, 25 Aperila 2025.

O nofoaga po’o Ofisa nei e piki mai ai Pepa Fa’atumu mo iloiloga o fa’amaumauga i vaega ua a’afia ona o le ‘eletise ma toe ‘ave i ai pe ā mae’a ona fa’atumuina;
• Ofisa Tutotonu o le N.E.O.C. i Tuana’imato
• Ofisa o le Pulega o Tagata Tafafao Maimoa mai Fafo – Faletalimālō
• Matāgaluega o Pisinisi, Ālamanuia ma Leipa – Pisinisi
• Matāgaluega o Tinā ma Tama’ita’i, Atina’e o Nu’u ma Agafeso’ota’i – ‘Āiga
Ta’ito’atasi
• Matāgaluega o le Soifua Mālōlōina – Auaunaga Tau Soifua Mālōlōina
• Matāgaluega o Ā’oga ma Aganu’u – Ā’oga
• Samoa Chamber of Commerce and Industry – Business Community

O lo’o mafai ona maua pepa faatumu i luga o upega o faamatalaga aloaia a le Malo o Samoa:

www.samoagovt.ws poo le itulau i le api o foliga https://www.facebook.com/samoagovt faatasi ma nofoaga ua taua i luga.

Mo nisi fa’amatalaga e fia fesiligia ai Pepa Fa’atumu mo iloiloga o fa’amaumauga i vaega ua a’afia ona o le ‘eletise, fa’amolemole fa’afeso’ota’i mai le N.E.O.C. i le imeli dmosamoa@gmail.com po’o le telefoni +685 32759.

Faigofie ona faaulu sou avanoa e te manumalo ai!

 

LEAVE A REPLY

Please enter your comment!
Please enter your name here