O le taeao nei o le a fatauto ai le Alii Faamasino sinia o le Faamasinoga Faaitumalo ia Fepuelai Ameperosa Roma e avea ma Faamasino o le Faamasinoga Maualuga a Samoa.
O lea sauniga o le a faia i luma o lana Afioga i le Ao Mamalu o le Malo o Samoa ia Tuimalealiifano Va’aleto’a Sualauvi II.
Ua ono nei tausaga talu ona avea Fepuleai Ameperosa Roma ma Faamasino o le faamasinoga faaitumalo, ina ua faatoa amata mai ai i le aso 25 o Ianuari 2014 lea sa faatautoina ai.
O ia o se faamasino sinia sa toafā iai faamasino o le Faamasinoaga Faaitumalo i Samoa.
O ia o se faamasino aupito i talavou foi na filifilia e galue i le Faamasinoga Maualalo, ma o se uluai tagata faauu mai i le Univesite Aoao o le Vasa Pasefika i Saute ua avea ma faamasino o le Faamasinoga Maualuga.
Na faauu mai Fepuleai mai le USP Law Campus i Vanuatu i le 1998 ma aloaia lona faaogaina o se alii loia i Samoa i le tausaga e 1999.
Ua faaipoipo atu ia Diana Peters Roma, o se tamaitai loia foi o ia, ma e toalima o laua alo.
(10)
